Kollektorlyq kompanııalarda burynǵy bandylar jumys isteýde – Bas prokýratýra
«Sońǵy úsh jylda kollektorlarǵa qatysty 15 qylmystyq is boldy. Bul turǵyda olardyń dóreki is-qımyldaryna, málimetterdiń úshinshi adamdarǵa berilý jaǵdaıyna shaǵym aıtylýda. Osy oraıda kollektormen aradaǵy áńgimeniń aýdıojazbalary usynylýda, bul jazbalardan sumdyq sózderdi estýge bolady. Bul turǵyda osy áńgime kollektorlyq kompanııa qyzmetkerimen bolǵanyn naqtylaı almaımyz, sebebi olar jeke nómirmen baılanysqa shyǵady. Osyndaı shaǵymdardy Ulttyq bankke usynamyz», - dedi Q. Raısov.
Osy oraıda, ol Bas prokýratýra bul máselelerde turǵyndardyń quqyqtaryn qorǵaý aıasynda tıisti sharalardy pysyqtap jatqanyn aıtty.
«Óz qyzmetin zańnama aıasynda atqaratyn kollektorlyq kompanııalar bar, sondaı-aq jumysyn adal atqarmaıtyndar da kezdesedi. ıAǵnı, bul salada zańnamaǵa qaıshy ádisterdi paıdalanatyndar arasynda burynǵy bandylar da bar», - dedi Bas prokýratýra ókili.
Q. Raısov osy baǵyttaǵy jumysty jetildirý úshin tıisti usynystaryn aıtty.
«QR Ulttyq bankine birneshe usynys bar. Kollektorlardyń zańsyz áreketine tap bolyp júrgen adamdar kezdesedi. Bul rette qorqytý, jábirleý kezinde turǵyndar qaıda shaǵymdaný kerektigin bilmeıtindigi anyqtaldy. Meniń oıymsha, Ulttyq bankte jedel baılanys jelisi boıynsha usynys bolýy kerek», - dedi ol.