Kollektorǵa berilgen jeke tulǵanyń problemalyq bereshegin retteý is-sharalary qabyldandy

NUR-SULTAN. QazAqparat – Kollektorlardyń óndirip alýyna berilgen jeke tulǵanyń problemalyq bereshegin retteý jóninde is-sharalar qabyldandy. Bul týraly búgin Úkimet otyrysynda QR Qarjy naryǵyn retteý jáne damytý Mádına Ábilqasymova aıtty, dep habarlaıdy QazAqparat tilshisi.

«Úkimet ázirlep jatqan jeke tulǵalardyń bankrottyǵy tetigi aıasynda jeke tulǵalardyń bankterdegi jáne mıkroqarjy uıymdaryndaǵy kredıtteri boıynsha, onyń ishinde kollektorlardyń óndirip alýyna berilgen problemalyq bereshegin retteý jóninde is-sharalar qabyldanatyn bolady», - dedi agenttik tóraǵasy.

Sonymen qatar ol agenttik jeke tulǵalardyń kredıtteri boıynsha paıyzdyq mólsherlemelerdiń shekti mánderin retteý, kredıtter boıynsha syıaqynyń tıimdi mólsherlemeleriniń esebine qaryz alýshynyń kez kelgen komıssııalary men tólemderin qosý boıynsha isaralar qabyldaıtyndyǵyn atap ótti.

«Bul jańadan beriletin kredıtter boıynsha halyqtyń borysh júktemesiniń ósýin shekteýge múmkindik beredi», - dedi Mádına Ábilqasymova.