Kolledjderge oqý pánderiniń 20 paıyzyn qashyqtan ótkizýge ruqsat beriledi

NUR-SULTAN. QazAqparat – Kolledjderge oqý pánderiniń 20 paıyzyn qashyqtan ótkizýge ruqsat beriledi. Bul týraly QR Bilim jáne ǵylym vıtse-mınıstri Sholpan Karınova málim etti, dep habarlaıdy QazAqparat tilshisi.

«Elimizdiń 795 kolledjinde 470 myńǵa jýyq stýdent bilim alatyn bolady. 1 kýrstarǵa 150 myńnan astam stýdent keledi dep kútilýde. Kolledjderdiń jobalyq qýattylyǵy oqýdy shtattyq formatta júrgizýge tolyq múmkindik beredi. Sonymen qatar oqý pánderiniń 20 paıyzyn qashyqtan ótkizýge ruqsat etiledi», - dedi ol Ortalyq kommýnıkatsııalar qyzmetindegi baspasóz máslıhaty barysynda.

Onyń aıtýynsha, kolledjderde zerthanalyq, praktıkalyq sabaqtar jáne óndiristik praktıka shtattyq rejımde ótkiziletin bolady.