Kolledjderge memlekettik tapsyrys az bergen óńirler ataldy
«Jastardy tegin kásiptik-tehnıkalyq bilimmen qamtý máselesi óte mańyzdy. Jalpy bıyl ákimdikter tarapynan 96 myń orynǵa memlekettik tapsyrys berildi. Biraq, NEET sanatyndaǵy jastardyń eń kóp joǵary úlesine qaramastan Túrkistan, Jambyl oblystarynda kolledjderge memlekettik tapsyrystyń tómendeýine jol berilgen. Sondyqtan ákimdikter bul máseleni qolǵa alyp, qajetti is-sharalardy qabyldaýyn suraımyn», - dedi Ashat Aımaǵambetov búgin Úkimet otyrysynda.
Mınıstrdiń aıtýynsha, oqý jyly uıymdasqan túrde bastalýy úshin oblystardyń, Almaty, Shymkent, Nur-Sultan qalalarynyń ákimdikteri birqatar máseleni baqylaýda alýy tıis.
«Barlyq bilim alýshylar úshin oqýlyqtardyń ýaqtyly jetkizilýin qamtamasyz etý qajet. Bilim berý uıymdaryn kúrdeli jáne aǵymdaǵy jóndeý jumystaryn merziminde atqarý, qajetti sanıtarlyq jáne dezınfektsııalyq quraldarmen tolyq qamtamasyz etý, áleýmettik turǵydan osal otbasylardyń balalaryn jappaı oqytý qorynan tasymaldaýdy, tamaqtandyrýdy jáne qoldaýdy ýaqytyly uıymdastyrý, ınternetpen jáne tsıfrlyq platformalardy qosýmen tolyqtaı qamtamasyz etý, balalardyń qaýipsizdigin qamtamasyz etý úshin tıisti is-sharalardy aıaqtaý kerek», - dedi ol.