Kolledjder túlekterdiń 90% jumysqa ornalastyrýǵa tıisti - mınıstr

<p>Qazaqstandyq kolledjder túlekterin jumysqa ornalastyrýǵa mindetteldi. Bul týraly Ǵylym jáne joǵary bilim mınıstri Saıasat Nurbek málim etti, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Kadrlardy daıarlaý sapasyn arttyrý jáne qamtý maqsatynda «Pedagog» kásiptik standarty bekitildi. Bilim berý baǵdarlamalaryn ázirleý úshin ádistemelik usynymdar ázirlendi. 6 myńnan astam pedagog jańa tásilder boıynsha biliktiligin arttyrdy. Nátıjesinde kolledjder men jumys berýshiler birlesip, «Pedagog» kásiptik standarty negizinde 554 baǵdarlamany jańartyp, iske asyrýda. Stýdentter balabaqshalar men mektepterde kásiptik praktıkadan ótedi», - dedi Saıasat Nurbek Úkimet otyrysynda.

Bitirýshi túlekter jumysqa ornalasar aldynda biliktiligin rastaıtyn sertıfıkat alyp, konkýrsqa qatysa alady.

«Biz bıyl kolledjderge qoıylatyn biliktilik talaptaryn kúsheıttik. Atap aıtqanda, keminde 5 pedagogıkalyq mamandyq boıynsha lıtsenzııanyń bolýyn jáne túlekterdiń 90% jumysqa ornalasýyn qamtý talap etiledi. Budan basqa, akademııalyq utqyrlyq, boıynsha lıtsenzııalaý, sondaı-aq pedagog kadrlardy daıarlaýda qashyqtan oqytýdy shekteý máselesi zańnamalyq turǵyda bekitilýde», - deıdi ol.