Kolledjder men JOO stýdentteri arasynda alǵash ret IT baıqaýy ótkiziledi - QR BǴM

NUR-SULTAN. QazAqparat - Bilim jáne ǵylym mınıstrligi alǵash ret qatysýǵa nıet bildirgen stýdentter men baǵdarlamashylar arasynda «BILIM Hackathon 2022» It baıqaýyn ótkizedi, dep habarlaıdy QazAqparat atalmysh vedomostvonyń baspasóz qyzmetine silteme jasap.

Jeńimpazdar 1,5 mıllıon teńge alady. Ekinshi orynnyń júlde qory 1 000 000 teńgeni, úshinshi oryn úshin 500 000 teńgeni quraıdy. Jeńimpazdar, ıaǵnı stýdentter marapattardan bólek, jumysqa ornalasý múmkindigine ıe bolady.

IT saıys 26-27 naýryzda Astana IT University bazasynda oflaın formatta ótedi.

Bul baıqaý bilim men ǵylym salasynda jańa IT jobalardy jasaýǵa bastamashylyq etý, sondaı-aq qazirgi jáne bolashaq IT mamandardy yntalandyrý maqsatynda ótkiziledi.

«Elimizde túrli IT jobalardy ázirleıtin daryndy jastar kóp. Olardy baıqaýǵa qatysýǵa shaqyramyz. Saıysqa ýnıversıtet jáne kolledj stýdentteri, odan bólek, basqa da baǵdarlamashylar qatysa alady. Ár oqý ornynan bir komandaǵa qatysýǵa ruqsat etiledi. Hakatonǵa qatysý úshin ótinimderdi [e-mail] elektrondy poshtasyna jiberýge bolady. Ótinimge komandanyń ataýyn, qatysýshylardyń aty-jónin jáne uıymnyń ataýyn kórsetý qajet», - dep atap ótti Bilim jáne ǵylym vıtse-mınıstri Aıbat Іlııasov.

Saıysqa qatysýshylarǵa túrli tapsyrmalar beriledi. Mysaly, erkin taqyrypta da, berilgen taqyryp boıynsha da bilim berý salasyndaǵy tsıfrlyq sheshimder boıynsha joba daıyndaý.