Kolledjder qashyqtan oqý úshin qandaı baǵdarlamalardy qoldanady

NUR-SULTAN. QazAqparat – Kolledj stýdentteri qoldanatyn platformalar tegin bolady. Ortalyq kommýnıkatsııalar qyzmetinde ótken onlaın konferentsııada QR Bilim jáne ǵylym mınıstri Ashat Aımaǵambetov osylaı málimdedi, dep habarlaıdy QazAqparat tilshisi.

Onda ІV toqsanda qashyqtan oqytý týraly máselesiniń jaıy aıtyldy.

«Kolledjder de qashyqtan oqıdy. Bul jerde negizgi platformalar qoldanylady. Kolledj stýdentteriniń kóbi Platonus júıesin qoldanady. Bul – kolledj stýdentterine arnalǵan tegin júıe. Sonymen qatar, ınternet baılanysy provaıderlerimen kelisim jasaldy. QR Bilim jáne ǵylym mınıstrligi usynǵan Kundelik, Daryn onlaın, BilimLand, Platonus sııaqty resýrstardyń bári qoldanýshylar úshin tegin bolady. Ekinshiden, ony mobıldi baılanys nemese úıdegi ınternet baılanysy arqyly qoldanǵan kezde megabaıt ketpeıdi, trafık tegin bolady», - deıdi QR Bilim jáne ǵylym mınıstri Ashat Aımaǵambetov.

Onyń aıtýynsha, qandaıda bir baǵdarlama boıynsha aqy alynǵan faktiler tekseriledi.