Kolledj ustazdary bilim berýdegi tyń ınnovatsııalyq tásilderdi usyndy
Almaty temirjol kóligi kolledji bazasynda ótken «Bilim berýdi jańǵyrtý jaǵdaıynda oqý úrdisinde ınnovatsııalyq oqytý tehnologııalaryn qoldaný» aımaqtyq ǵylymı-tájirıbelik konferentsııasyna Almaty men elimizdiń tórt aımaǵynan 25 arnaıy oqý ornynyń ókilderi qatysty.
Bilim berýdi jańǵyrtý jaǵdaıynda jáne «Bolashaqqa baǵdar: rýhanı jańǵyrý» baǵdarlamasyn iske asyrý aıasynda ótkizilip otyrǵan konferentsııany Medeý aýdandyq ákimdiginiń apparaty men Almaty temirjol kóligi kolledji birlese uıymdastyrdy.
Jıyn kásibı jáne tehnıkalyq bilim berý salasyndaǵy mekemelerdiń ǵylymı jetistiktermen bólisip, tájirıbe almasýyna jáne yntymaqtastyq pen seriktestikti nyǵaıtýǵa baǵyttalǵan. Sondaı-aq talantty oqytýshylardyń bilimi arqyly bilim alýshylardyń shyǵarmashylyq jáne ıntellektýaldy damýyn jáne ǵylymı tehnıkalyq jetistikterin pash etý maqsatyn tutady.
«Elbasynyń joldaýyndaǵy baǵdarlamany iske asyrý jolynda kásiptik bilim oryndarynyń eńbegi orasan zor. QR Bilim mınıstri Erlan Saǵadıevtiń bastamasymen kóp jańa ózgerister engizilip jatyr. Jańa oqý protsesinen tehnıkalyq kásibı bilim salasy shette qalǵan joq. Almatyda 83 kolledj bar. Olardyń 22-si - memlekettik, qalǵany jekemenshik. Barlyǵy 61 800 bala oqytylady. Jańa ózgeris dep neni aıtamyz? Ol bizdiń 2017-18 oqý jylyndaǵy jańa modeldik oqý baǵdarlamasy. Oǵan 24 kolledj kóshti. Jańa mazmunǵa kelesi jyly kolledjderdiń barlyǵy kóshedi. Búgingi Almaty temirjol kolledjinde ótip jatqan shara oqý úrdisindegi ınnovatsııalardy jetkizýde kóp septigin tıgizedi dep senemin», - dedi Almaty qalalyq Bilim basqarmasynyń tehnıkalyq bólim basshysy Áset Muhambetov.
Ortalyqazııalyq tehnıkalyq-ekonomıkalyq kolledji, Halyqaralyq bıznes akademııasy, Qaraǵandy Joǵary polıtehnıkalyq kolledji, Qazaly kólik-tehnıkalyq joǵary kolledji, Qazaqstandyq-amerıkalyq ýnıversıtet janyndaǵy baılanys kolledji jáne taǵy basqa oqý oryndary pedagogtarynyń baıandamalary erekshe yqylaspen qabyldandy.
Sondaı-aq Almaty temirjol kóligi kolledjiniń «akzht tech_lab» zerthanasynyń jetekshisi Tımýr Qurmanbaevtyń stýdentterdi sandyq tehnologııalardy qoldanyp elektronıka, baǵdarlamalaý jáne robototehnıka negizderine tájirıbelik baýlý jónindegi baıandamasy tájirıbelik qyzyǵýshylyq týdyrdy.
Qatysýshylarǵa konferentsııa materıaldarynyń jınaǵy men sertıfıkattar berildi.