Kolledj stýdentteriniń kásiptik praktıkadan ótýi saqtandyrylady

<p>ASTANA. KAZINFORM &ndash; Kolledj stýdentterin kásiporyndarda praktıkadan ótý kezinde jazataıym oqıǵalardan saqtandyrý jaǵy qaralyp jatyr. Bul týraly Oqý-aǵartý mınıstrliginiń tıisti buıryǵy &laquo;Ashyq NQA&raquo; portalynda jarııalandy.&nbsp;</p>

Bilim jáne ǵylym mınıstriniń 2016 jylǵy 29 qańtardaǵy № 107 «Kásiptik praktıkany uıymdastyrý jáne ótkizý qaǵıdalaryn jáne kásiporyndardy (uıymdardy) tehnıkalyq jáne kásiptik, orta bilimnen keıingi bilim berý uıymdary úshin praktıka bazasy retinde aıqyndaý qaǵıdalaryn bekitý týraly» buıryǵyna kásiptik praktıkany ótkizýge arnalǵan úlgilik shartqa sáıkes, praktıkany ótkizý men shart jasasýdy reglamentteıtin 35-tarmaqqa ózgeris engizilmek. 

«Kásiporyndarda (uıymdarda) óndiristik oqytý men kásiptik praktıkadan ótý kezeńinde bilim alýshyny jazataıym oqıǵalardan saqtandyrý aqyly qyzmetterden alynǵan kirister esebinen erikti túrde júzege asyrylady», - delingen buıryq jobasynda.

Atalǵan ózgeris Premer-Mınıstrdiń Qazaqstan Respýblıkasynyń keıbir zańnamalyq aktilerine bilim berý, tálimgerlik jáne balalardyń qaýipsizdigi máseleleri boıynsha ózgerister men tolyqtyrýlar engizý týraly ókiminiń jobasyna sáıkes júrgiziledi.

Buıryq jobasy 2023 jylǵy 14 naýryzǵa deıin qoǵamdyq talqylaýǵa usynylyp otyr.

Eske sala ketsek, 23 aqpanda Memleket basshysy «Qazaqstan Respýblıkasynyń keıbir zańnamalyq aktilerine bilim berý, tálimgerlik jáne balalardyń qaýipsizdigi máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıǵan edi.