Kolledj stýdentteri SMS arqyly áskerge barý merzimin keıinge jyljyta alady
«Oqý-aǵartý mınıstrligi men memlekettik organdardyń aqparattyq júıelerin ıntegratsııalaý nátıjesinde 2023 jyldyń naýryz aıynan bastap kolledj stýdentterine proaktıvti formatta SMS joldanady», - dep jazdy Memlekettik qyzmetterdi tsıfrlandyrý jáne avtomattandyrý departamenti.
«Kúndizgi oqý nysanyndaǵy kolledj stýdentterine áskerı qyzmetke shaqyrýdy keıinge qaldyrý oqý aıaqtalǵanǵa deıin beriledi. Ol Oqý-aǵartý mınıstrliginiń Ulttyq jalpy bilim berý derekter bazasynan rastalady jáne sonyń negizinde SMS arqyly keıinge qaldyrý nemese áskerden bosatý ruqsaty beriledi», – deıdi memlekettik qyzmetterdi tsıfrlandyrý jáne avtomattandyrý departamentiniń dırektory Azat Tıshtybaev.
Búgingi tańda Qazaqstan kolledjderinde áskerge shaqyrý jasyndaǵy 118 myńǵa jýyq stýdent bilim alady.