Qolqany qapqan sasyq ıis: almatylyqtar ákimnen kómek surady

ALMATY. QazAqparat - «Almaty Sıtı» turǵyn úı kesheninde turatyn almatylyqtar ákimnen qaǵaz shyǵarý zaýyttynyń jumysy turǵyndardyń densaýlyǵyna zııanyn tıgizip jatqandyqtan ony qala syrtyna kóshirýdi surap otyr, dep habarlaıdy QazAqparat tilshisi.

Naýryzbaı aýdanynyń turǵyny «Alma Sıtı» kópqabatty úı turǵyndarynyń atynan ákimge júgindi. Onyń aıtýynsha, olardyń turǵyn úı kesheni qaǵaz shyǵarý zaýytynyń janynda ornalasqan.
«Zaýyttan qolqany qabatyn sasyq ıis shyǵady. Jaǵymsyz ıis búkil aýdanǵa taraıdy. Bul qaǵaz zaýytyn qala syrtyna kóshirý kerek. Ol aýany lastamaýy qajet. Onyń ornyna mektep nemese balabaqsha salýǵa bolady. Bul «Alma Sıtı» turǵyndarynyń ótinishi»,- dedi Naýryzbaı aýdanynyń túrǵyny.
Óz kezeginde Erbolat Dosaev atalaǵan zaýyt Almaty oblysyna qarasty ekenin aıtty.
«Qaǵaz shyǵaratyn zaýyt Almaty oblysyna tıesili. Zaýytty basqa jaqqa kóshirý ońaı sharýa emes. Ol jerde de adamar jumys istep jatyr. Olar Almaty oblysyna salyq tólep otyr. Men Almaty oblysy ákimine kásiporyn ıesimen sóılesip, keıbir talaptardy oryndaýy kerektigin aıtam»,- dep jaýap berdi Erbolat Dosaev.