Kólik prokýratýrasynyń yqpalymen 2 myńnan astam kásipkerge 2,4 mlrd teńge qaıtarylmaq

<p>Quqyq qorǵaý qyzmeti aıasynda Bas kólik prokýratýrasy bıznes sýbektileriniń quqyqtaryna nuqsan keltiretin faktilerdi anyqtady, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform</a> QR Bas prokýratýrasynyń <a href="https://www.gov.kz/memleket/entities/gtp/press/news/details/642934?lang=kk" target="_blank" rel="noopener">baspasóz</a> qyzmetine silteme jasap.</p>

2022 jyldan bastap qorshaǵan ortaǵa teris áser etkeni úshin tóleý boıynsha mindettemeler ózgertilip, kásipkerlerdiń jekelegen sanattary ekologııalyq tólemderden bosatylǵan.

Osyǵan qaramastan, bul mán-jaılardy bilmeı, kásipkerler tıisti tólemderdi júrgizýdi jalǵastyrda bergen, al salyq organdary olardyń negizsiz shyǵyndaryn boldyrmaý maqsatynda tıisti túsindirý jumystaryn júrgizbegen.

Mysaly, osyndaı tólemderdi tóleýshiler sanatyna kirmeıtin «№3 Sk avtovokzal parki» JShS memlekettik bıýdjetke 15 mln astam teńge tólegen.

Sol sııaqty basqa 2 203 kásipker de bıýdjetke negizsiz 2,4 mlrd teńgeden joǵary qarajatty aýdarǵan.

Kólik prokýratýrasy organdarynyń aralasýynan keıin ǵana, kásipkerlerge olardy osyndaı alymdardy tóleýshiler tiziminen alyp tastaǵandyǵy týraly jetkizildi.

Sonymen qatar, kólik prokýratýrasynyń aktisi boıynsha kásipkerlerge aqshany qaıtarý boıynsha jumys bastalǵan, 500-den artyq kásipkerge shamamen 30 mln teńge qaıtaryldy.

Memlekettik kirister komıtetine salyq zańnamasyndaǵy ózgerister týraly aqparatty bıznes qaýymdastyqqa tıimdi jetkizý jónindegi sharalardy ázirleı otyryp, osyndaı jaǵdaıdyń týyndaý sebepterin taldaý tapsyryldy.