Kólik mınıstrliginiń úsh komıtetine jańa basshylar taǵaıyndaldy

<p>Kólik mınıstriniń buıryǵymen Tólegen Abdýllın, Oljas Saparbekov jáne Altaı Áli osy mınıstrlikke qarasty úsh komıtetke komıtetke basshy bolyp taǵaıyndaldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Tólegen Tursynuly Abdýllın Avtomobıl joldary komıtetiniń tóraǵasy bolyp taǵaıyndaldy.

1982 jyly Pavlodar qalasynda dúnıege kelgen. D. Serikbaev atyndaǵy Shyǵys Qazaqstan memlekettik tehnıkalyq ýnıversıtetin, «Qarjy akademııasy» AQ támamdaǵan.

Eńbek jolyn 2004 jyly «Qazaqavtojol» RMK Pavlodar oblystyq fılıalynyń DEÝ-62 avtojol kópiriniń sheberi bolyp bastady.

2005-2011 jyldary «Qazaqavtojol» RMK Pavlodar fılıalynda túrli qyzmetterdi atqarǵan.

2011-2014 jyldary — «Qazaqavtojol» RMK Memlekettik satyp alý bóliminiń basshysy, Aqmola oblystyq fılıalynyń dırektory.

2014-2019 jyldary «QazAvtoJol» UK» AQ basshylyq qyzmetterin atqardy.

2019-2021 jyldary — QR IIDM Avtomobıl joldary komıteti tóraǵasy orynbasarynyń m. a., orynbasary.

2021 jylǵy mamyrdan bastap qazirge deıin QR IIDM Avtomobıl joldary komıtetiniń tóraǵasy bolyp jumys istedi.

Oljas Saparbekuly Saparbekov — Temirjol jáne sý kóligi komıtetiniń tóraǵasy. 

1979 jyly Aqtóbe qalasynda dúnıege kelgen. Qazaq kólik jáne kommýnıkatsııalar akademııasyn, Akademık E. A. Býketov atyndaǵy Qaraǵandy memlekettik ýnıversıtetin bitirgen.

Eńbek jolyn 2001 jyly jeke menshik temirjol kompanııasynda bastaǵan.

2001-2006 jyldary «Qazaqstan temir joly» UK» qurylymynda jumys istedi.

2006-2016 jyldary jeke kommertsııalyq qurylymdarda basshylyq qyzmetterdi atqardy.

2016-2019 jyldary — «Atameken» UKP sarapshy, departament dırektorynyń orynbasary.

2019-2021 jyldary — Qostanaı oblysy ákimdiginiń kásipkerlik jáne ındýstrıaldyq-ınnovatsııalyq damý basqarmasy basshysynyń orynbasary, basshysy.

2021-2023 jyldary — QR Indýstrııa jáne ınfraqurylymdyq damý mınıstrligi Indýstrııalyq damý komıteti tóraǵasynyń orynbasary.

2023 jyldyń maýsym aıynan bastap QR Indýstrııa jáne ınfraqurylymdyq damý mınıstrligi Kólik komıteti tóraǵasynyń orynbasary qyzmetin atqardy.

Altaı Sembekuly Áli Avtomobıl kóligi jáne kóliktik baqylaý komıtetin basqarady. 

1985 jyly Jambyl oblysynda dúnıege kelgen. Abaı atyndaǵy Qazaq ulttyq pedagogıkalyq ýnıversıtetin bitirgen.

2010-2011 jyldary — «Damý» kásipkerlikti damytý qorynda menedjer.

2014-2015 jyldary — Astana qalalyq sotynyń bas mamany.

2015-2018 jyldary QR Premer-Mınıstri Keńsesiniń qurylymynda jumys istedi.

2018-2019 jyldary — Shymkent qalasy ákiminiń apparat basshysy, apparaty basshysynyń orynbasary — hatshylyq meńgerýshisi.

2019-2020 jyldary — Shymkent qalasy Energetıka jáne kommýnaldyq sharýashylyq basqarmasynyń basshysy.

2021-2023 jyldary — QR Indýstrııa jáne ınfraqurylymdyq damý mınıstrligi Kólik komıteti tóraǵasynyń orynbasary.

2023 jyldyń mamyr aıynan bastap QR IIDM Kólik komıtetiniń tóraǵasy qyzmetin atqardy.