Kólik mınıstrligi sý alǵan joldar týraly: Sý kólemi biz oılaǵannan joǵary bolyp ketti

<p>ASTANA. KAZINFORM &ndash; Kólik mınıstrligi Avtomobıl joldary komıtetiniń basqarmasy basshysy Jandos Igembaev Aqtóbe oblysyndaǵy joldar nege kóktemgi tasqyndarǵa daıyn bolmaı shyqqanyn aıtty.</p>

Ádilet mınıstrligi zań jobalaý jónindegi vedomstvoaralyq komıssııasynyń otyrysy kezinde BAQ ókilderi Kólik mınıstrliginiń ókilderinen Aqtóbe oblysyndaǵy joldardyń nege kóktemgi tasqynǵa daıyn bolmaı shyqqanyn surady.

«Qazirgi tańda respýblıkalyq mańyzdaǵy joldardan bólek jergilikti deńgeıdegi joldardy da tasqyn shaıyp jatyr. Biraq olardyń málimeti ákimdikter beredi. Kólik mınıstrligine qarasty respýblıkalyq mańyzdaǵy joldar týraly aıtsaq, Aqtóbe oblysy boıynsha ǵana shekteýler bar. Naqty aıtsaq, Aqtóbe Embi, Yrǵyz joldarynda shekteý berdik. Osy joldarda ýaqytsha toqtatyp otyrmyz», - dedi ol.

Mınıstrlik ókili kelesi jyly osyndaı jaǵdaı qaıtalanbaý úshin qaýipti ýchaskelerdiń tizbesi ózektendiriletinin aıtady.

«Sý alýdyń sebebin fors-major jaǵdaı dep baǵalap otyrmyz. Sýdyń kólemi biz oılaǵannan kóp joǵary bolyp ketti. Bul shekteý erteńge deıin qoıyldy. Kelesi joly dál osyndaı fors-major jaǵdaı qaıtalanbaý úshin Tótenshe jaǵdaılar mınıstrligimen birge jumys istep jatyrmyz. Olar bizge sý alý qaýpi bar ýchaskelerdiń ózektendirilgen tizbesin beredi. Sol tustardyń qorǵanysyn kúsheıtemiz», - dedi Jandos Igembaev.