Kólik mınıstrligi Aqtaý mańyndaǵy ushaq apatyna qatysty málimdeme jasady

<p>ASTANA. KAZINFORM - QR Kólik mınıstrligi Aqtaý mańyndaǵy ushaqó apatyna qatysty málimdeme jasady.</p>

Vedomstvo avıatsııalyq oqıǵanyń sebebin anyqtaý jónindegi arnaıy komıssııasynyń jumysy jalǵasyp jatqanyn habarlady.

- Aldyn ala esep jarııalanǵanǵa deıin bul komıssııa resmı derekkózi joq, ǵalamtorda jarııalanǵan derekke túsinikteme bermeıdi, - dep jazylǵan aqparatta.

Esterińizge sala keteıik, komıssııa QR zańnamasynyń talaptaryna jáne IKAO-nyń 13-qosymshasynyń talaptaryna sáıkes aldyn ala esep jarııalaıdy. Onda tergeý barysy jáne tergeý nátıjesinde anyqtalǵan naqty aqparat bolady.

Aıta keteıik, Aqtaýda Azerbaijan Airlines ushaǵy apatqa ushyrady.

Ushaq bortynda 67 adam, onyń ishinde bes ekıpaj múshesi bolǵan. Oqıǵa saldarynan 38 jolaýshy qaza tapty.

Buǵan deıin Aqtaý túbindegi ushaq apatynyń sebepteri qashan naqty aıtylatyny belgili bolǵan edi.

30 jeltoqsanda Qazaqstan borttaǵy ózdiginen jazǵysh quraldardy Brazılııaǵa jibergenin jazdyq.

Osyǵan deıin «qara jáshiktiń» Brazılııaǵa nelikten jiberiletindigi týraly sarapshylardyń pikirin bergen edik.

Sondaı-aq, «qara jáshikti» oqýǵa neshe kún ketetini týraly avıatsııa ınjeneriniń jaýabyn jarııaladyq.

Budan bólek, Aqtaý túbinde qulaǵan ázerbaıjandyq ushaqtyń eksklıýzıvti sýretteri jarııalandy.

Buǵan deıin Brazılııanyń avıatsııalyq oqıǵalardy tergeý jáne aldyn alý ortalyǵy Azerbaijan Airlines (AZAL) kompanııasy ushaǵynyń ózdiginen jazǵysh quraldaryn (qara jáshikter) zertteýdi aıaqtaǵany habarlandy.

Aldaǵy kúnderi Astanaǵa «qara jáshikten» alynǵan materıaldar jetkiziletini belgili boldy.