Kólik mınıstri áýejaılarǵa ınvestorlar tartýǵa qatysty túsinik berdi

<p>ASTANA. KAZINFORM &ndash; Áýejaılarǵa ınvestorlar tartylsa da, bul nysandar memlekettik organdardyń tolyq baqylaýynda bola beredi. Bul týraly Úkimet otyrysynan keıingi baspasóz máslıhatynda Kólik mınıstri Marat Qarabaev aıtty.</p>

Tilshiler mınıstrge Qostanaıdaǵy áýejaıdyń aktsııalaryn satýǵa qatysty suraq qoıyldy.

«Ne sebepti osy áýejaılardy qazaqstandyq kompanııalardyń basqarýyna bermeske? Bul rette, Qostanaıdaǵy áýejaıdyń máselesine túsinik berseńiz», - dep surady tilshiler.

Óz kezeginde M. Qarabaev Qostanaı áýejaıyna belgili bir ınvestordyń bolýy nemese satylýy týraly ótinish túspegenin aıtty.

«Kez kelgen ótinish bolsa, ony Úkimet qarastyrady. Árbir áýejaı strategııalyq nysan sanalady jáne ony kimge berý sheshimi Úkimettiń quzyretinde. Osyǵan deıin qostanaılyq áýejaıdy satyp alý jóninde usynys jasaǵany týraly resmı málimet mınıstrlikke túspedi. Jalpy, eldegi áýejaılardyń barshasyna ret-retimen ınvestor tartý jumysy júrip jatyr. Bul turǵyda Qazaqstannan da, sondaı-aq shetelden de tartylýy múmkin. Shetelden ınvestordyń kelýi zańǵa qaıshy emes. Atap aıtqanda, áýejaı memlekettik organdardyń tolyq baqylaýynda bola beredi, sebebi ol strategııalyq nysan sanalady. Nysannyń quryltaıshysy sheteldik nemese Qazaqstan azamaty bolsa da, baqylaýdan tys qalmaıdy», - dedi vedomstvo basshysy.

Onyń aıtýynsha, áýejaılardyń ınfraqurylymyn ınvestor esebinen jańartýǵa Kólik mınıstrligi erekshe ekpin qoıyp otyr.

«Osynyń nátıjesinde áýejaılar jańartylyp, jolaýshylarǵa yńǵaıly jaǵdaı jasalady», - dedi mınıstr.

Budan buryn habarlanǵandaı, Qostanaı áýejaıy aktsııasynyń 50 paıyzǵa jýyǵy aýktsıonǵa shyǵaryldy.