Kólik mınıstri: Aldaǵy merekelerde poıyz bıleti qymbattamaıdy

<p>ASTANA. KAZINFORM &ndash; Kólik mınıstri Marat Qarabaev Úkimet otyrysynan keıin ótken baspasóz máslıhatynda aldaǵy merekelerde poıyz bıleti qymbattamaıtynyn málim etti.</p>

«Temirjol tarıfterin kóterý jobasynyń bılet baǵasyna esh qatysy joq. Ol tek júk tasymaldaıtyn tarıfterge ǵana baılanysty. Jolaýshylar tasymaldaıtyn poıyzdardyń bıletiniń baǵasy aýyspaıdy. 

Kelesi jyly da, aldaǵy merekelerde de eshqandaı ózgeris bolmaıdy. Baǵa qalypty bolady», - dedi ol jýrnalıstiń suraǵyna bergen jaýapta.

Mınıstr temirjol ınfrqurylymyn jańartý, jańa vagondar men lokomotıv satyp alý shyǵyndary bılet baǵasyna áser etpeıdi dep otyr.

«1 qazannan bastap jolaýshylar poıyzynyń baǵasy qymbattady. Odan basqa qymbattaý aldaǵy ýaqytta josparlanyp otyrǵan joq. Baǵa turaqty bolady. Aldaǵy merekelerdiń barshasynda baǵa turaqty bolady», - dedi Marat Qarabaev.