Kólik mınıstri aqyly jol tarıfin 20% kóterýdi usyndy

<p>ASTANA. KAZINFORM — Úkimet otyrysynda aqyly joldardyń tarıfin 20 paıyzǵa kóterý usynyldy.</p>

«Qazaqstandaǵy aqyly joldardyń tarıfi Reseı, Belarýs, Túrkııa, Qytaı, Polsha sııaqty eldermen salystyrǵanda aıtarlyqtaı tómen. Osyǵan baılanysty kútip ustaýǵa jumsalatyn shyǵyndardy tolyq óteý úshin qoldanystaǵy tarıfti 20 paıyzǵa ósirý máselesi pysyqtalyp jatyr», — dedi Kólik mınıstri Marat Qarabaev.

Sondaı-aq, ol bul bastama qoldaý tapsa, jergilikti júrgizýshilerge tıisti jeńildikter qarastyrylatynyn atap ótti.

«Negizgi júkteme el arqyly ótetin tranzıttik avtokólikterge baǵyttalady», — dedi mınıstr.