«Kólik qurylysy», «Sport», «Krıptologııa»: Jańa oqý jylyndaǵy jańa bilim berý baǵdarlamalary

<p>ASTANA. KAZINFORM &ndash; 2024-2025 oqý jylyna PhD doktorlaryn daıarlaýǵa memlekettik bilim berý tapsyrysyn 1 myń orynǵa ulǵaıtý máselesi pysyqtalyp jatyr. Bul týraly Ǵylym jáne joǵary bilim mınıstrliginen málim etti.</p>

«Ǵylymı kadrlardy (PhD doktorlaryn) daıarlaýǵa memlekettik bilim berý tapsyrysyn ulǵaıtý 2024 jyldan bastap josparlanǵan. 2023 jylǵa ǵylymı kadrlardy (PhD doktorlaryn) daıarlaýǵa memlekettik bilim berý tapsyrysy 1 890 birlikti quraıdy. 2024-2025 oqý jylyna ǵylymı kadrlardy (PhD doktorlaryn) daıarlaýǵa memlekettik bilim berý tapsyrysy 1 919 oryndy quraıtyn bolady», - dep atap ótedi vedomstvodan agenttiktiń resmı saýalyna oraı.

Mınıstrlik búgingi kúni ǵylymı kadrlardy (PhD doktorlaryn) daıarlaýǵa memlekettik bilim berý tapsyrysyn qosymsha 1 000 orynǵa ulǵaıtý máselesin pysyqtap jatqandyqtaryn atap ótedi. 

«Sondaı-aq, 2024-2025 oqý jylyna «Kólik qurylysy», «Kásibı bilim berý pedagogterin daıarlaý», «Sport» jáne «Krıptologııa» boıynsha jańa bilim berý baǵdarlamalarynyń toptary ashylyp, atalǵan baǵyttarǵa memlekettik tapsyrys ornalastyryldy», - dedi mınıstrlikten.