Kólikterge SOS batyrmasyn ornatý mindetti emes - komıtet

NUR-SULTAN. QazAqparat – Kólikterge SOS batyrmasyn ornatý mindettelmeıdi. Bul týraly jartyjyldyqty qorytyndylaǵan Saýda jáne ıntegratsııa mınıstrliginiń Tehnıkalyq retteý jáne metrologııa komıteti málimdedi, dep habarlaıdy QazAqparat tilshisi.

«Eýrazııalyq ekonomıkalyq odaq sheńberinde júrgizilip jatqan jumys barysynda kólikterge «SOS» batyrmasyn ornatý mindettemesi alynyp tastaldy. Bul el azamattaryna osyndaı qurylǵylardy ornatý boıynsha qosymsha shyǵyndy qysqartýǵa múmkindik berdi», - dep málim etti Tehnıkalyq retteý jáne metrologııa komıtetiniń baspasóz qyzmetinen.

Sondaı-aq, quzyrly organ elektr qurylǵylarynyń qýat tıimdiligi týraly reglamentti engizý ýaqyty uzarǵanyn jetkizdi. Vedomstvo dereginshe, mundaı sheshim qabyldansa, onda turmystyq tehnıka quny qymbattaýy múmkin. Sondyqtan, ony engizý merzimi keıinge shegerildi.

Eske sala ketsek, buǵan deıin elimizdegi poıyzdarǵa «SOS» kómek shaqyrý batyrmasy ornatylýy múmkin ekenin habarlaǵan bolatynbyz.