Kólikterdiń 82,4% benzınmen júredi – ulttyq statıstıka

ASTANA. QazAqparat – Elimizde kólikterdiń 82,4% benzınmen júredi, dep habarlaıdy QazAqparat Ulttyq statıstıka bıýrosyna silteme jasap.

2023 jylǵy naýryzda 162,4 myń avtokólik esepke qoıyldy. Bul ótken jyldyń sáıkes kezeńimen salystyrǵanda 2,3 ese kóp. Onyń ishinde jeńil avtomobılder men avtobýstar 2,3 ese, júk avtomobılderi 2,4 ese artqan.

1 sáýirdegi jaǵdaı boıynsha Qazaqstanda tirkelgen kólikter jalpy sany – 4 mln 668 myń. Onyń ishinde 87,6% – jeńil avtomobılder, 10,3% – júk avtomobılderi jáne 2,1% – avtobýstar.

Otyn túri boıynsha kóliktiń:

– 82,4% – benzınmen;

– 7,6% – aralas otynmen;

– 7,4%, –dızel otynymen

– 0,2% gazben;

– 1936 birligi – elektr qýatymen júredi.

Bıylǵy naýryzda 2 321 jol-kólik oqıǵasy tirkelip, 3 340 adam zardap shekken. Ótken jyldyń osyndaı kezeńimen salystyrǵanda zardap shekkender sany 10,8% azaıǵan.