Kólikterdi jolǵa shyǵyp ketken janýarlardan saqtandyratyn júıe iske qosylýda

ASTANA. QazAqparat - Jolshylar janýarlardyń qatysýymen bolatyn jol-kólik oqıǵalarynyń aldyn-alýǵa múmkindik beretin jańa tehnologııany synaqtan ótkize bastady, dep habarlaıdy QazAqparat QazAvtoJolǵa silteme jasap.

Respýblıkalyq mańyzy bar «Óskemen-Semeı» kúre jolynyń 102 shaqyrymynda janýarlardyń qatysýymen oryn alatyn jol-kólik oqıǵalarynyń aldyn-alýǵa arnalǵan «Qorǵaý» avtonomdy jaryq-sıgnaldyq kesheni synaqtan ótýde.

«Mamandar bul tájirıbelik-eksperımenttik ýchaskeni joldyń eki jaǵynda mal sharýashylyǵy bolǵan soń tańdady.

Synaqtan ótip jatqan keshen zııatkerlik kommýnıkatsııa júıesine negizdelgen birneshe qurylǵylardan (posttardan) turady. Bul tehnologııanyń basty artyqshylyǵy — kólik júrgizýshileri qaraýsyz jaıylǵan úı janýarlary kenetten jol boıyna shyqqan kezde eskertý sıgnalyn alady. Qurylǵy kúndiz de, túngi ýaqytta da jumys isteıdi», - dep jazdy ulttyq kompanııadan.

Tehnologııany otandyq «Nur-Saylet» kompanııasy oılap tapty.

Tehnologııa synaqtan sátti ótken jaǵdaıda ony basqa da respýblıkalyq mańyzdaǵy tasjoldarǵa ornatý kózdelip otyr.