Kólikterdi tirkeý jəne júrgizýshi kýəligin berý memqyzmetteri qalpyna keltirildi
16:57, 14 Naýryz 2019
ASTANA. QazAqparat - Kólikterdi tirkeý jəne júrgizýshi kýəligin berý memqyzmetteri qalpyna keltirildi. Bul týraly QR ІІM baspasóz qyzmetinen məlim etti, dep habarlaıdy QazAqparat tilshisi.
«13 naýryz kúni saǵat 9:50-de tehnıkalyq sebepterge baılanysty mamandandyrylǵan halyqqa qyzmet kórsetý ortalyqtarynda, sonymen qatar búkil respýblıkadaǵy əkimshilik polıtsııalardyń tirkeý-emtıhan bólimshelerinde kólik quraldaryn tirkeý jəne júrgizýshi kýəligin berý memlekettik qyzmetterin kórsetý toqtatylǵan edi. Qazirgi ýaqytta irkilis sebebi joıylyp, memlekettik qyzmetter shtattyq rejimde kórsetilip jatyr», - delingen taratylǵan aqparatta.