Kólikkomın Keden odaǵynyń avtomobıl joldaryndaǵy qaýipsizdik jónindegi standarttar Tehreglamentin ázirleýge kiristi
Bul týraly QR Kólik jáne kommýnıkatsııa mınıstrliginiń baspasóz qyzmetinen habarlady.
QR KKM Avtomobıl joldary komıtetiniń tóraǵasy Zamır Saǵynov «Avtomobıl joldarynyń qaýipsizdigi» kedendik odaq qurylǵannan bergi maquldanǵan tehreglamenttiń alǵashqylarynyń biri. Buǵan deıin Reseıde de, Belarýste de mundaı tehreglament bolmaýyna baılanysty onyń negizine Qazaqstannyń qoldanystaǵy tehreglamenti alyndy», - dep atap kórsetti.
Kedendik odaqqa múshe elderge Standarttardy ázirleý jónindegi baǵdarlama aıasynda barlyǵy 110 standart ázirleýine týra keledi. Onyń ishinde QR-na 2015 jyldyń aıaǵyna deıin 11 standartty ázirleý jáne 99 memleketaralyq standarttarǵa taldaý jasaý tapsyrylǵan.
Atap aıtqanda, Qazaqstanǵa kópir qurylystary, avtomobıl joldaryn qysta kútip-ustaý, avtomobıl joldarynyń geometrııalyq elementteri, baǵdarshamdar, avtojoldardyń klassıfıkatsııasy jáne avtomobıl joldarynyń dıagnostıkasy jónindegi standarttardy ázirleýge tıis.
Búgingi kúnge «QazjolǴZI» AQ-na ekspertıza jasaý úshin Belarýs pen Reseıden 60-tan astam standarttar tústi.
Standarttardyń alǵashqy redaktsııasyn ázirleý jumystary aǵymdaǵy jyldyń aıaǵyna deıin aıaqtalmaqshy.