Kólik júrgizýshileri ótken jyly 33 mlrd teńge aıyppul tólegen
«Ótken jyly ishki ister organdary jyldamdyq rejımin buzýdyń 3,1 mln astam deregin anyqtady. Jaıaý júrginshiler jol bergen 280 myńǵa jýyq quqyq buzýshylyqtyń jolyn kesti. Jol júrisi qaýipsizdigin qamtamasyz etýde buzýshylyqty tirkeýdiń avtomatty júıeleri (budan ári – BTAJ) óziniń tıimdiligin dáleldedi. Joldarda barlyǵy 18 myńnan astam BTAJ ornatyldy. Onyń kómegimen ótken jyly 5 mln buzýshylyq anyqtalyp, memleket bıýdjetine aıyppul túrinde 33 mlrd teńge tústi», - dep atap ótedi birinshi vıtse-premer jaýabynda.
Onyń dereginshe, halyqaralyq oń tájirıbeni eskere otyryp, birqatar óńirde patrýldik avtomobılderdi zamanaýı zııatkerlik keshendermen jaraqtandyrý tájirıbesi engizildi. BTAJ jelisin damytý aıasynda «Qorǵaý – qaýipti júrgizýshi» mobıldi qosymshasy ázirlendi. Onda «Sergek» júıesiniń kameralary men Іshki ister mınıstrliginiń Jedel basqarý ortalyqtarynyń múmkindikteri ıntegratsııalanǵan.
«Bul naqty ýaqyt rejıminde tehnıkalyq tekserýden ótpegen, saqtandyrý polısinsiz paıdalanylatyn, baǵdarlary boıynsha izdestiriletin jáne jalǵan memlekettik tirkeý nómirlik belgilerin paıdalanatyn avtomobılderdi anyqtaýǵa múmkindik beredi. Búgingi tańda mundaı mobıldik qosymshalar elimizdiń barlyq óńirinde odan ári taratyla otyryp, 11 qalada (Astana, Almaty, Shymkent, Atyraý, Túrkistan, Óskemen, Petropavl, Qaraǵandy, Temirtaý, Kókshetaý jáne Oral) engizildi», - dedi Roman Sklıar.