Kólik jáne jer qoınaýyn paıdalaný máseleleri týraly zań jobasyna Senat 426 túzetý engizdi

ASTANA. QazAqparat – Májilis kólik jáne jer qoınaýyn paıdalaný máseleleri týraly zań jobasyna Senat engizgen túzetýlerdi maquldady, dep habarlaıdy QazAqparat tilshisi.

Senat usynǵan túzetýlerdi Májilistegi Ekonomıkalyq reforma jáne óńirlik damý komıtetiniń tóraǵasy Albert Raý tanystyrdy. Aıtýynsha, Senat Májilis maquldaǵan qujatqa 426 túzetý engizip joldap otyr. Ol túzýetýler úsh baǵyttan turady.

Qujattyń 2-babyna birqatar normalardyń merzimi boıynsha túzetý engiziledi. Atap aıtqanda, 2024 jyldyń 1 qańtarynan bastap jergilikti atqarýshy organdardyń quzyretine avtomattandyrylǵan ólsheý quraldarynyń qyzmet kórsetýin qamtamasyz etý jáne ınfraqurylym obektisin paıdalanǵany úshin, áýejaılardy tehnıkalyq quraldarmen jabdyqtaǵany úshin ınfraqurylymdyq alym júrgizý fýnktsııalary berilmek. Temirjol salasyndaǵy ýaqytsha teńgerim tóleminiń zańdyq kúshi 2024 jylǵa deıin dep belgilenedi.

«Bul túzetýler naqtylaý sıpatyna ıe jáne Májilis maquldaǵan zań jobasynyń mazmunyn ózgertpeıdi», - dedi depýtat.

Palata depýtattary Senat usynǵan túzetýlerdi maquldaý týraly sheshim qabyldady.