Kólik zańdastyrýmen aınalysqan qylmystyq top barlyq oblyspen baılanysta bolǵan - ІІM
«Alǵashqy aqparat Almaty oblysynan kelip tústi, keıinirek Almaty qalasyna shyqtyq. Sol jerden elimizdiń barlyq oblys ortalyqtarymen jeli qurylǵan. Qazirgi ýaqytta Ózindik qaýipsizdik departamenti qylmystyq is qozǵady, tergeý júrip jatyr. Bul qylmystarǵa qatysy bar qyzmetkerler óz laýazymdarynan shettetildi. Tergeý maqsatynda ózge aqparatty jarııalaı almaımyn», - dedi Q. Sultanbaev Ortalyq kommýnıkatsııalar qyzmetinde tilshi suraǵyna bergen jaýabynda.
Sonymen birge, osy qylmystyq is aıasynda polıtsııa qyzmetkerleri ǵana emes, arnaıy HQO-da júretin «kómekshiler» de jaýapqa tartylýda.
«Kólikti tirkeý, júrgizýshi kýáligin berý boıynsha aldyńǵy qatarda»Azamattarǵa arnalǵan úkimet«KEAQ qyzmetkerleri jumys isteıdi. Bizdiń qyzmetkerler halyqpen tikeleı baılanysta bolmaıdy. Bizdiń qyzmetkerler tek ekinshi eshelonda otyrady, krımınaldy esep boıynsha, qandaı da bir qylmysqa baılanysty tekserý júrgizedi. Al óz qyzmetin usynatyn «kómekshiler» de anyqtaldy, qylmystyq ister qozǵaldy, olar jaýapqa tartylyp jatyr», - dep tolyqtyrdy Q. Sultanbaev.