Kólik vedomstvosynyń basshysy Aqtóbe jáne Jambyl oblystaryndaǵy «Batys Eýropa - Batys Qytaı» jobasy boıynsha esepterdi tyńdady

ASTANA. 25 mamyr. QazAqparat. 25 mamyrda QR Kólik jáne kommýnıkatsııa mınıstri Berik Kamalıev Aqtóbe jáne Jambyl oblystarynda «Batys Eýropa - Batys Qytaı» jobasynyń iske asyrylý barysy boıynsha otyrys ótkizdi. Otyrys barysynda atalǵan joba boıynsha avtojol salasynyń jáne merdigerlik uıymdardyń esepterin tyńdady,

dep habarlaıdy Kólik jáne kommýnıkatsııa mınıstrliginiń baspasóz qyzmeti.

Avtomobıl joldary komıtetiniń tóraǵasy Zamır Saǵynov Aqtóbe oblysyndaǵy jobanyń iske asyrylý barysy týraly aqparat berdi.

Anyqtamalyq: Aqtóbe oblysy boıynsha qaıta salynýǵa tıisti dálizdiń jalpy uzyndyǵy 356 shq, onyń ishinde 317 shq boıynda qurylys jumystary («Ivrýs» JShS - 107 shq, «Dena Rahsaz Kazahstan» JShS - 108 shq, «Djengız Ishaat» JShS - 102 shq) jáne 39 shq jobalyq-zertteý jumystary («Qostanaıjoljoba» JZ JShS) júrgizilýde.

Uzaqtyǵy 215 shq. quraıtyn «Qarabutaq - Yrǵyz - Qyzylorda oblysynyń shekarasy» ýchaskesinde 2007 jyldan beri jumystar («Ivrýs» JShS - 107 shq, «Dena Rahsaz Kazahstan» JShS - 108 shq) atqarylýda. Ótken jyly 1904 mlrd. teńge ıgerilip, asfalt-beton jabynynyń tómengi qabatyn uzaqtyǵy 215 shq jáne 200 shq ústińgi qabatyn salý arqyly avtojol salý jumystary júrgizildi. Aǵymdaǵy jylǵy shildede atalǵan ýchaskeni paıdalanýǵa berý josparlanýda.

2010 jyldan bastap «Aqtóbe - Mártók» ýchaskesinde («Djengız Ishaat» JShS - 102 shq) jumystar bastalyp, 1,24 mlrd. teńge ıgerildi.

Aǵymdaǵy jyly oblys boıynsha shamamen 10,1 mlrd. teńgeni ıgerý jáne 60 shq jańa joldy salý josparlanýda (І tehnıkalyq kategorııa-9,5 shq, ІІ tehnıkalyq kategorııa-50,5 shq).

Jambyl oblysy boıynsha jobany iske asyrý barysy boıynsha aqparatty da avtomobıl joldary komıtetiniń tóraǵasy Zamır Saǵynov berdi.

Anyqtamalyq: Jambyl oblysynda qaıta salýǵa tıesili dálizdiń jalpy uzaqtyǵy 495 shq quraıdy. Trassa boıynda 6 merdigerlik kompanııa («K-Dorstroı» AQ - 58 shq, (AKM» JShS - 45 shq, «Qazaqjolsalý» JShS - 31 shq, «KSS» JF AQ - 48 shq) jumys júrgizýde.

Bul oblys boıynsha jumystar 2010 jyly bastaldy. Merdigerlik kompanııalar 25 mlrd. teńgeni ıgerip, mynadaı jumystardy atqardy: 20 shq asfalt-beton jabyn jáne 57 shq tsement-beton jabyn tóseldi.

Aǵymdaǵy jyly oblys boıynsha shamamen 46 mlrd. teńgeni ıgerý jáne 300 shq jańa joldy salý josparlanýda (І tehnıkalyq kategorııa-264 shq, ІІ tehnıkalyq kategorııa-36 shq).

Kólik vedomstvosynyń basshysy merdigerlik kompanııalar, eki oblystaǵy ár ýchaskelerdiń ınjenerlik qyzmetter basshylarynyń esepterin tyńdap, kesteden qalyp qoıǵan ýchaskelerdegi jaǵdaıdy qalpyna keltirý merzimin anyqtady. Sondaı-aq, belgilengen kestege úlgermeı jatqan merdigerlik kompanııalarmen kelisimder toqtatylý qajettigin atap ketti.

Mınıstr B. Kamalıev otyrysty qorytyndylaı kele, avtomobıl joldary komıtetine, jobanyń ınjenerlerine, sonymen qatar, merdigerlik kompanııalardyń basshylaryna atalǵan joba boıynsha qazaqstandyq mazmun úlesin arttyrýǵa jáne otandyq kompanııalar men jergilikti qyzmetkerlerdi jumysqa tartý máselesine basa nazar aýdara otyryp, aǵymdaǵy jylǵa bekitilgen barlyq jumystar kólemin ýaqytyly oryndalýy úshin naqty jáne shuǵyl sharalar qoldanýdy tapsyrdy.