Kólik salyǵyna qatysty TOP-8 suraqqa jaýap - Memlekettik kirister komıteti
Memlekettik kirister komıtetiniń Baılanys ortalyǵyna 1414 nómirine jıi qoıylatyn suraqtar 2020 jyl úshin jeke tulǵanyń kóligine salynatyn salyqqa baılanysty. Onyń merzimi - aǵymdaǵy jyldyń 1 sáýirinen keshiktirilmeýi tıis. Osyǵan baılanysty nazarlaryńyzǵa máseleni tez sheshýge kómektesetin TOP-8 suraqtyń jaýabyn usynamyz.
№1-suraq
Eger men kólikti senimhat boıynsha satsam, salyqty men tóleımin be, álde avtokóliktiń naqty paıdalanýshysy tóleı me?
Jaýap:
Salyq kodeksine sáıkes salyq tóleýshi bolyp kólik quralyna menshik quqyǵy tirkelgen jeke tulǵa. Osylaısha, tóleýshi Siz bolasyz, óıtkeni kólik quraly Sizge tıesili. Naqty paıdalanýshy Sizdiń atyńyzdan osy kólik quralyna salyq tóleı alady (jiberiletin tólemde kólik ıesiniń JSN jáne T.Á.J kórsetilýi qajet).
№2-suraq
«Kaspi Bank» AQ mobıldi qosymshasynda basqa jeke tulǵalar boıynsha kólik salyǵynyń somasy týraly habarlama keldi.
Jaýap:
Ótken jyly sizdiń mobıldi qosymshańyzdy paıdalanyp, úshinshi tulǵalarǵa salyq tólengendikten, paıdalanýshyǵa osy úshinshi tulǵaǵa habarlama jiberildi (JSN kórsetilgen). Osylaısha, biz sizge bul eskertýdi elemeýge jáne bul tulǵa úshin tólem jasamaýǵa keńes beremiz.
№3-suraq
Jubaıy kúıeýi úshin salyq tóledi, alaıda kúıeýine kólik salyǵy úshin qaryz keldi.
Jaýap:
Salyq kodeksine sáıkes salyq tóleýshi bolyp kólik quralyna menshik quqyǵy tirkelgen jeke tulǵa bolyp tabylady. Bul jaǵdaıda kúıeýi salyq tóleýshi bolyp tabylady, óıtkeni kólik quraly kúıeýine tıesili nemese jubaıy joldasynyń atynan osy kólik quralyna salyq tóleı alady (jiberiletin tólemde kólik ıesiniń JSN jáne T.Á.J kórsetilýi qajet).
№4-suraq
Eger avtokólik birneshe jyl buryn satylsa jáne oǵan salyq qazir ǵana paıda bolsa ne isteý kerek?
Jaýap:
Kólik quraldary salyǵy Qazaqstan Respýblıkasynyń Іshki ister mınıstrligi Ákimshilik polıtsııa komıtetiniń ortalyq derekter bazasy málimetteriniń negizinde esepteledi.
Eger ýákiletti organnyń málimetteri boıynsha kólik quraly esepte turǵan jaǵdaıda, salyq organdary osyndaı kólik quraly boıynsha salyqty esepteýge mindetti.
Kólik quralyn esepten shyǵarý úshin mamandandyrylǵan HQKO nemese HQKO júginý qajet. Bul rette, tirkeý esebinen shyǵarý kúnine deıin eseptelgen bereshek pen salyq somasyn tóleý qajet.
№5-suraq
Avtokólik 2016 jyldyń mamyr aıynan bastap urlaý faktisi boıynsha izdeýde. Men salyq tóleýim kerek pe?
Jaýap:
Іzdestirýdegi kólik quralyn izdestirý kezeńinde salyq tóleýden bosatý úshin kólik quraldaryn tirkeý salasyndaǵy ýákiletti memlekettik organ salyq organdary usynatyn qylmystyq is qozǵaý faktisin (kúnin) rastaıtyn málimetter negiz bolyp tabylady.
Mundaı salyqty esepteý qylmystyq is qozǵalǵan kúnnen bastap toqtatylady jáne kólik quralyn aıdap áketý jáne ony qaıtarý týraly qylmystyq is toqtatylǵan kúnnen bastap qaıta bastalady.
Joǵaryda aıtylǵandardy eskere otyryp, Siz tıisti qylmystyq is qozǵalǵan kúnnen bastap izdestirý kezeńinde kólik quraldary salyǵyn tóleýshi bolyp tabylmaısyz.
№6-suraq
Kólik jol oqıǵasynan keıin, jaramsyz kúıde jáne paıdalanylmaıdy, osy avtokólik úshin kólik salyǵyn tóleý kerek pe?
Jaýap:
Iá, salyq tólenýi kerek, ázirge kóliktiń ıesi bar jáne kólik jol polıtsııasy organdarynda tirkeý esebinde tur. Osyndaı kólik quraly boıynsha salyq mindettemesin oryndaýdy toqtatý úshin ony tirkeýden shyǵarý qajet.
№7-suraq
Kólik salyǵy boıynsha qaryz keldi. Kólik 2020 jyly satyldy jáne salyq esepten shyǵarylǵan kezde tólendi.
Jaýap:
Salyq organynyń barlyq esepteýleri jáne tólengen salyq somalary salyq tóleýshiniń derbes shotynda kórsetiledi.
Sonymen birge, is júzinde azamattar kólik quralyn ıelenýdiń sońǵy jyly úshin salyq tóleıtin jaǵdaılar jıi týyndaıdy, degenmen is júzinde olar aldyńǵy kezeńder úshin qaryzdaryn óteıdi. Osylaısha, is júzinde olar ótken kezeńder úshin salyq bereshegin tóleıdi, al aǵymdaǵy jylǵa salyq tólenbeıdi. Osyǵan baılanysty, kelesi jylǵy kólik quralyn esepten shyǵarǵanǵa deıin onyń naqty ıelený kezeńi úshin salyq somasy keledi. Osylaısha, qaryz týraly aqparat alǵan jaǵdaıda, Siz salyq bereshegin tóleýińiz qajet.
№8-suraq
2020 jyly shetelden kólemi 5700 tekshe santımetr «Leksýs 570» avtokóligi ákelindi jáne esepke qoıyldy. Salyq organynda 500 myń teńgeden artyq salyq somasy eseptelindi. Nelikten salyq somasy mundaı úlken?
Jaýap:
Qazaqstan Respýblıkasynda 2013 jylǵy 31 jeltoqsannan keıin shyǵarylǵan (jasalǵan nemese qurastyrylǵan) nemese Qazaqstan Respýblıkasynyń aýmaǵyna 2013 jylǵy 31 jeltoqsannan keıin ákelingen, qozǵaltqyshynyń kólemi 3000 tekshe santımetrden asatyn jeńil avtomobılder úshin Salyq kodeksiniń 492-babynyń 2-tarmaǵyna sáıkes joǵary stavka boıynsha esepteledi.
Osylaısha, sizdiń jaǵdaıda sizdiń kóligińizdiń bastapqy tirkeý kúni – 2020 jyl, ıaǵnı 2013 jyldyń 31 jeltoqsanynan keıin, salyq sáıkesinshe joǵary mólsherlememen esepteledi.