Kólik salyǵy boıynsha qaryzy bar azamattarǵa el aýmaǵynan shyǵýǵa tyıym salynýy múmkin
Jalpy, respýblıka boıynsha 496,7 myń jeke tulǵanyń kólik quraldary salyǵy boıynsha bereshegi – 22,4 mlrd teńge, onyń ishinde negizgi qaryz – 17,5 mlrd teńge, ósimpul – 4,9 mlrd teńge.
Óńirler boıynsha alyp qaraǵanda qaryzy eń kóp salyq tóleýshiler:
Almaty oblysynda 57,7 myń adam – 3,0 mlrd teńge
Almaty qalasynda 53,6 myń adam – 4,9 mlrd teńge
Túrkistan oblysynda 53,6 myń adam – 1,2 mlrd teńge
Shymkent qalasynda 39,9 myń adam – 1,5 mlrd teńge
Astana qalasynda 37,0 myń adam – 2,5 mlrd. teńge.
2022 jylǵa jeke tulǵalardyń kólik quraldaryna salyq tóleý merzimi 2023 jylǵy 1 sáýirde aıaqtalǵan bolatyn.
2023 jylǵy 19 mamyrdan bastap salyq somasyn ýaqtyly tólemegen tulǵalarǵa 1 AEK-ten joǵary bereshek somalary boıynsha jeke tulǵanyń bereshegin óndirip alý týraly salyq buıryqtaryn joldaý bastaldy.
Bereshek tólenbegen jaǵdaıda salyq buıryǵy tabys etilgen kúnnen keıin 5 jumys kúni ótken soń, jeke sot oryndaýshylarynyń óńirlik palatasyna májbúrlep oryndatýǵa jiberiledi. Jeke sot oryndaýshylary «Atqarýshylyq is júrgizý jáne sot oryndaýshylarynyń mártebesi týraly» Qazaqstan Respýblıkasynyń Zańyna sáıkes bank shottary men múlkine tyıym salý túrinde májbúrlep óndirip alý sharalaryn qoldanýǵa quqyǵy bar. Onyń ishinde 40 AEK-ten asatyn qaryz bolsa, azamatqa el aýmaǵynan shyǵýǵa tyıym salynýy múmkin.
Budan basqa, memlekettik kirister organdary ýákiletti organdarmen birlesip (Polıtsııa departamenti men Jeke sot oryndaýshylarynyń óńirlik palatasy) jyl basynan bastap kólik quraldary salyǵy boıynsha bereshegi bar jeke tulǵalarǵa qatysty kún saıyn reıdtik is-sharalar ótkizýde. 5 aıda 10 152 reıd júrgizilip, 413 avtokólik quraly aıyppul turaǵyna qoıyldy. Nátıjesinde 963,7 mln teńge memlekettik bıýdjetke tústi.
Al, el aýmaǵynan shyǵýǵa tyıym salý týraly aqparatty osy silteme arqyly bilýge bolady.
Salyq boıynsha bereshektiń bary nemese joq ekendigi týraly málimetterdi e-Salyq Azamat mobıldi qosymshasynan bilýge bolady. Elektrondy servıster→Salyq jáne áleýmettik tólemder boıynsha bereshek týraly qyzmeti→JSN-dy engizý.