Kólik polıtsııasy esirtki taratý arnasynyń jolyn kesti

NUR-SULTAN. QazAqparat - Kólik polıtsııasy qyzmetkerleri esirtki taratý arnasynyń jolyn kesti, dep habarlaıdy QazAqparat Polisia.kz saıtyna silteme jasap.

Jedel-izdestirý jáne tergeý is-sharalaryn júrgizý kezinde kólik polıtseıleri arnaıy maqsattaǵy jedel den qoıý otrıadynyń qyzmetkerlerimen birge esirtkini zańsyz saqtaý jáne ótkizý boıynsha kúdikti dep tanylǵan Shymkent qalasynyń 49 jastaǵy turǵynyn anyqtap, ustady.

Atalǵan azamatty tintý barysynda odan jalpy salmaǵy 7,5 kelige jýyq keptirilgen marıhýana esirtki zaty tabylyp, tárkilendi. Sondaı-aq, kúdiktiniń turǵylyqty jeri boıynsha esirtki zaty salynǵan qap tárkilendi, olardyń bir bóligi 38 gazet býmasyna jáne 43 dana sirińke qorabyna salynǵan.

Kúdikti óz kinásin moıyndady, oǵan qatysty qamaýǵa alý túrindegi bultartpaý sharasy qabyldandy. QR QPK-niń 201-babynyń talaptaryna sáıkes ózge de málimetter tergeý múddesine oraı jarııa etilmeıdi.

</span>

Foto: polisia.kz