Kólik polıtseıleri 82 jastaǵy keıýanaǵa kómektesti
Qazaqstan Respýblıkasynyń Prezıdenti 2020 jyldy «Eriktiler jyly» dep jarııalaǵan bolatyn. Osy oraıda elimizde «Biz birgemiz» aktsııasy júrip jatyr.
Atalǵan aktsııaǵa Kóliktegi PD ákimshilik polıtsııa basqarmasynyń qyzmetkerleri, «Menedjment jáne bıznes» kolledjiniń erktileri jáne áleýmettik qyzmet kórsetý ortalyǵy da úles qosty.
Aktsııa aıasynda Nur-Sultan qalasynyń 82 jastaǵy turǵyny, jalǵyzbasty qarııa Raıda Mıftahovaǵa kómek kórsetildi. Volonterler Mıftahovanyń esik aldyndaǵy qaryn tazalap, kómirin kirgizip, úı sharýalaryn tyndyryp berdi. Sondaı-aq, eriktiler arasyndaǵy «Tamaqtandyrýdy uıymdastyrý» mamandyǵynyń stýdentteri Raıda apaıǵa túski as pisirip berdi.
«Qarttar – asyl qazynamyz. Qazaqstannyń ósip-órkendep, elimizdiń beıbit ómir keshýi osyndaı ardaqty da aıaýly qart ájelerimizdiń arqasy. Olardyń ómir joly - búgingi urpaqqa úlgi, ónege. Sondyqtan mundaı kómekti kórsetý - barshamyzǵa paryz»,-deıdi Ákimshilik polıtsııa basqarmasynyń erekshe tapsyrmalar jónindegi aǵa ınspektory Álıhan Jumajanov.
Óz kezeginde Raıda Mıftahova da polıtseılerge, eriktiler men áleýmettik qyzmet kórsetýshilerge alǵysyn aıtty.