Kólik polıtseıleri 2014 jyly zańsyz aınalymdaǵy 7 tonna 792 keli esirtki zatyn tárkiledi
Sondaı-aq, Memleket basshysy Nursultan Nazarbaevtyń «Nurly jol-bolashaqqa bastar jol» atty Qazaqstan halqyna arnaǵan Joldaýynan týyndaıtyn ishki ister organdary qyzmetkerleriniń negizgi mindetteri talqylandy. Jıynǵa QR Іshki ister mınıstriniń orynbasary polıtsııa general-maıory Erlan Týrgýmbaev qatysty, dep habarlaıdy Kóliktegi ІІD baspasóz qyzmeti.
Májiliste A. Qajkenov temirjol jáne áýe kólik nysandaryndaǵy jedel-qyzmettiń jaǵdaıyn baqylaýdy qamtamasyz etý boıynsha elimizdiń Prezıdenti men QR Іshki ister mınıstrliginiń tapsyrmalaryn oryndaý maqsatynda naqty sharalar qoldanylyp jatqandyǵyn atap ótti. «Jalpy qoldanylǵan sharalardyń nátıjesinde 2014 jyly Departamenttiń jedel qyzmet jaǵdaıy turaqtalyp, krımonegendi ahýaldy baqylaýǵa kúsh jumsaldy. Ótken jyly asa aýyr qylmystardyń sany 31,8 paıyzǵa tómendep, aýyrlyǵy ortasha qylmystardy 20,4 paıyzǵa qysqarttyq. Sondaı-aq, alaıaqtyq 12,9 paıyzǵa, al buzaqylyq 36,4 paıyzǵa azaıdy. Aýyr jáne asa aýyr qylmystardyń ashylýy 82,3 paıyzdy qurady», -dedi elimizdiń bas kólik polıtseıi.
Departamenttiń qyzmet kórsetý aýmaǵynyń uzaqtyǵy men jolaýshylardyń urlanǵan zattaryna qatysty faktiler týraly ótinishterin ishki ister jelilik bólimderine keshiktirip jasaýy qylmystyń «izin sýytpaı» ashýǵa múkindik bermeıdi. Sondyqtan jolaýshylar poıyzdarynda polıtseılerdiń ilesip júrýin 100 paıyzǵa deıin jetkizý úshin naqty sharalar qabyldandy.
Kólik polıtseıleri ótken jyly kóshi-qon zańnamasyn buzǵan 3280 azamatty ákimshilik jaýapkershilikke tartty.
2014 jylǵy 24 jeltoqsanda Departamenttiń krımınaldyq polıtsııasy qyzmetkerleri jedel-izdestirý sharasy barysynda 7 jyldan beri izdeýde júrgen Almaty qalasynyń 33 jastaǵy turǵynyn qolǵa túsirdi. 2007 jylǵy 20 jeltoqsanda qarashylyq shabýyl jasaǵany úshin oǵan qatysty qalmystyq is qozǵalǵan bolatyn. Qazirgi ýaqytta ustalǵan qylmysker Pavlodar qalasyndaǵy ýaqytsha ustaý oqshaýlaǵyshyna qamaldy.
Ótken jyly Kóliktegi ІІD-niń aýmaqtyq bólinisteriniń qurylymdyq kúshterimen birge 190 esirtki qylmysy anyqtaldy, onyń ishinde 65 fakti ótkizýge qatysty. Kontrabandalyq jolmen esirtki tasymaldaýdyń 26 faktisi tirkeldi. Zańsyz aınalymdaǵy 7 tonna 792 keli esirtki zaty tárkilendi, onyń 13,8 kelisi -geroın.
Jıyn barysynda QR Prezıdenti Nursultan Nazarbaevtyń Qazaqstan halqyna arnaǵan «Nurly jol-bolashaqqa bastar jol» atty dástúrli Joldaýynyń basym baǵyttary talqylandy. Sondaı-aq jelilik bólinis bastyqtarynyń esepteri tyńdaldy.
Jıyndy qorytyndylaı kele, mınıstrdiń orynbasary Erlan Týrgýmbaev basshylyqqa Departamenttiń qyzmet kórsetý aýmaǵynda qoǵamdyq tártip pen azamattardyń qaýipsizdigin qamtamasyz etýde zańdylyq pen tártipti, QR ІІM talaptaryn saqtaý boıynsha tapsyrmalar júktedi.
Jedel keńestiń sońynda «Úzdik qyzmet», «Úzdik jelilik organ», «Úzdik maman» konkýrstarynyń jeńimpazdary marapattaldy.