Kólik mınıstrligi jergilikti joldardyń qurylysyn qadaǵalaıtyn boldy

ASTANA. QazAqparat - Jergilikti joldardyń qurylys sapasyn qadaǵalaý qyzmeti QR KKM Avtomobıl joldary komıtetine beriledi. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda QR Kólik jáne kommýnıkatsııalar mınıstri Asqar Jumaǵalıev málim etti.

«QR Kólik jáne kommýnıkatsııa mınıstrligi respýblıkalyq joldar qurylysyn qadaǵalaýmen aınalysady. Al jergilikti joldardy qadaǵalaý turǵysynda bizde bundaı ókilettilik joq. Alaıda Úkimet basshysynyń tapsyrmasyna sáıkes, bul ókilettilik bizge tapsyrylýy tıis", - dedi mınıstr.

Belgili bolǵandaı, qazirgi kezde ókilettilikti berý úshin normatıvtik-quqyqtyq qujattama ázirlenýde. Ol bekitilgennen keıin QR KKM Avtomobıl joldary komıteti jergilikti joldardyń qurylys sapasyn qadaǵalaıtyn bolady.