Kólik komıtetiniń tóraǵasy Astana-Saryaǵash poıyzynan 25 kemshilik tapty

ASTANA. QazAqparat - Astana-Saryaǵash poıyzyn tekserý kezinde 25 zań buzýshylyq anyqtaldy, dep habarlaıdy QazAqparat QR IDM baspasóz qyzmetine silteme jasap.

Kólik komıtetiniń tóraǵasy Áset Asaýbaev pen Birinshi sybaılas jemqorlyqqa qarsy medıa-ortalyq basshysy Tólegen Baıǵulov Astanadan Saryaǵashqa qatynaıtyn N85/86 jolaýshylar poıyzyn tekserdi.

«Tekseris nátıjesinde poıyzdyń QR Ulttyq standarttarynyń talaptaryna saı kelmeıtin 25 fakt anyqtaldy. Atap aıtqanda, vagonnyń syrtyn tot basyp ketken jáne basqa da aqaýlar kózge túsken. Sondaı-aq tósek jabdyqtarynyń standart talaptaryna saı bolmaýy synǵa ilindi. Atap aıtqanda, matras pen jastyq jáne basqa da tósek jabdyqtary kir bolyp shyqqan. Sondaı-aq, jolaýshylardy bıletsiz tasymaldaǵan faktiler de anyqtaldy», - delingen habarlamada.

Sonymen qatar, tekserýshiler Qaraǵandy qalasyna kelip, temirjol vokzaly ǵımaratyn qaıta jańǵyrtý jumysynyń barysymen tanysty. «Qazaqstan temir joly» UK» AQ vokzal sharýashylyǵy ókilderiniń  qatysýymen jıyn ótti. Onda atalǵan kemshilikterdi joıýǵa qatysty tıisti nusqaý berildi.