Kólik dálizderindegi qurylys jumystary 2030 jylǵa qaraı tolyq aıaqtalady - IIDM

ALMATY. QazAqparat - Almatyda «NEW SILK WAY» V Halyqaralyq kóliktik-logıstıkalyq bıznes forýmy ótýde, dep habarlaıdy QazAqparat tilshisi.

Forýmǵa 14 elden 350-den astam delegat qatysýda. Jıyndy QR Indýstrııa jáne ınfraqurylymdyq damý vıtse-mınıstri Almaz Ydyrysov ashty.

«Búgingi tańda elimizde kólik dálizderiniń tarmaqtalǵan jelisi bar. Qazaqstannyń álemdik naryqqa shyǵýǵa múmkindik beretin negizgi halyqaralyq kólik jelilerimen baılanysy óte tyǵyz. Qoldanystaǵy tranzıttik baǵyttardy damytý jáne jańalaryn qurý, logıstıkalyq ınfraqurylymdy jańǵyrtý bizdiń elder úshin tıimdi jáne osy taraptaǵy jumysty odan ármen jalǵastyrý óte mańyzdy», – dedi vıtse-mınıstr.

Ol, sondaı-aq, Aqtaý teńiz porty bazasynda konteınerlik habty qurý jobasyn aıtty.

«Konteınerlik habty qurý jobasy «Qýatty óńirler – el damýynyń draıveri» ulttyq jobasyna engizildi. Jobanyń jalpy quny 10,4 mlrd teńgeni quraıdy. Ony iske asyrý Transkaspıı halyqaralyq kólik baǵyty boıynsha júkterdi tasymaldaý jyldamdyǵyn jáne Túrkmenbashy – Aqtaý – Qytaı tranzıttik dáliziniń ótkizý qabiletin damytýǵa múmkindik bermek», – dedi Almaz Ydyrysov.

QR IIDM vıtse-mınıstriniń aıtýynsha, barlyq kólik dálizderindegi qurylys jumystary 2030 jylǵa qaraı tolyq aıaqtalmaq.

Aıta keteıik, eki kúnge jalǵasatyn bıznes forým aıasynda «Kólik jáne logıstıka» Qazaqstandyq halyqaralyq kórmesi de ótedi.

Foto: news.myseldon.com