Kólik almaq bolǵan óskemendik 6 mln teńgesin alaıaqqa bergen

ÓSKEMEN. QazAqparat – Óskemen qalasynyń turǵyny kólik alamyn dep alaıaqqa aldanyp qaldy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, «102» jedel arnasyna habarlasqan er adam alaıaqtyń qurbany bolǵanyn jetkizdi.

«Jábirlenýshiniń aıtýynsha, avtokólik satamyn degen tanysy 6 000 000 teńge suraǵan. Buǵan sengen ol aqshany bergenimen sol kúıi kólikti ala almady. Jedel izdestirý sharalary barysynda 23 jastaǵy kúdikti ustaldy. Jaýap alý kezinde ol óz zańsyz áreketterin tolyq moıyndaǵan», - delingen aqparatta.

Atalǵan fakti boıynsha QR QK-niń 190-baby 3-bóligimen (Alaıaqtyq) sotqa deıingi tergeý amaldary júrgizilýde. Er adam 3-ten 7 jylǵa deıingi mergimge bas bostandyǵynan aıyrylýy múmkin.