Kóligine ruqsat etilmegen jaryq sıgnaldaryn ornatqan júrgizýshi jaýapqa tartyldy

TÚRKІSTAN. QazAqparat - Túrkistan oblysynda kóligine ruqsat etilmegen qyzyl-kók tústi jaryq sıgnaldaryn ornatqan júrgizýshi jaýapqa tartyldy, dep habarlaıdy QazAqparat.

Telegram paraqshalardyń birinde Mercedes avtokóligine ruqsat etilmeıtin qyzyl-kók tústi jaryq sıgnaldaryn ornatyp, memlekettik tirkeý nómirinsiz trassada emin-erkin júrgen beınejazba taraǵan bolatyn. Aımaqtaǵy polıtsııa departamenti qyzmetkerleri vıdeonyń mán-jaıyn anyqtaldy.

«Oqıǵa Tólebı aýdanyndaǵy Qasqasý aýylynyń tas jolynda bolǵan. Kólik ıesi Shymkent qalasynyń turǵyny, jas jigit. Oǵan qatysty QR ÁQBtK 590-babynyń 2-bóligi jáne 603-baby 1-bóligi boıynsha ákimshilik hattama toltyryldy.

Kólik aıypturaqqa qoıyldy», - dep jazdy ІІM-nen.

Júrgizýshi kinásin tolyq moıyndap, jasaǵan áreketteri úshin ókinip, aldaǵy ýaqytta mundaı bassyzdyqtarǵa jol bermeıtinin jetkizdi.