Kóligine aǵashpen jaǵylatyn pesh jasap alǵan zeınetker ustaldy
Almaty kósheleriniń birinde túsirilgen vıdeo áleýmettik jelide tarady. 68 jastaǵy kólik ıesi mashınasynyń artqy jaǵyna pesh ornatyp alǵan, eki jaǵynda gaz ballondary bar. Baǵdarshamǵa toqtaǵan boıda ol kóliginen túsip, laýlap jatqan peshtiń ishine taǵy aǵash salady.
Polıtseıler vıdeodaǵy «ónertapqyshty» anyqtap, ustady. Atalǵan turǵyn kóligin óz betinshe ózgertip, buǵan deıin de ustalǵany belgili boldy.
«Kólik quralyn paıdalaný erejelerin buzǵan júrgizýshini anyqtaýǵa baǵyttalǵan tekserý sharalary aıasynda, Qazaqstan Respýblıkasynyń ákimshilik zańnamasyna sáıkes sharalar qabyldandy. QR Ákimshilik quqyq buzýshylyq týraly kodekstiń 590-baby 7-bóligi boıynsha materıal jınaqtaldy. Kólik mamandandyrylǵan aıyp turaǵyna qoıyldy.
Naqtyraq aıtsaq, bul joly avtokólik júrgizýshisi salonnyń ortasyna ashyq otty pesh jasap, eki jaǵyna gaz ballondaryn ornalastyrǵan. Mundaı kólikti basqarý – eń aldymen, onyń ıesine, jolaýshylarǵa jáne basqa da jol qozǵalysyna qatysýshylarǵa qaýip tóndiretini anyq», – dedi Almaty qalalyq Polıtsııa departamenti jergilikti polıtsııa qyzmeti basqarmasynyń bastyǵy Erjan Uzabaev.
Foto: polisia.kz