Kóligine jalǵan nómir taqqan túrkistandyq 5 táýlikke qamaldy

<p>Kóligine jalǵan nómir taqqan Túrkistan oblysynyń turǵyny 5 táýlikke qamaldy, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Polıtseıler zań buzýshyǵa qatysty QR Ákimshilik quqyq buzýshylyq týraly kodekstiń 590-baby 4-bóligi («Kórineý jalǵan nemese qoldan jasalǵan memlekettik tirkeý nómiri belgileri (belgisi) bar kólik quralyn basqarý») boıynsha ákimshilik hattama toltyrdy. Sot sheshimimen júrgizýshi 5 táýlikke qamaýǵa alynyp, 1 jyl merzimge kólik basqarý quqyǵynan aıyryldy.

«Atalǵan derek Shymkent qalasynda tirkeldi. Patrýldik polıtsııa polkiniń qyzmetkerleri Táýke han – Dýlatı kósheleriniń qıylysynda «Audi S-4» markaly avtokólikti toqtatty. 31 jastaǵy er adam kóligine jalǵan memlekettik tirkeý nómirin taqqany anyqtaldy. Bul týraly habarlamany tártip saqshylaryna «Qorǵaý – qaýipti júrgizýshi» qosymshasynan tústi», – delingen Shymkent qalasy Polıtsııa departamentiniń baspasóz qyzmeti taratqan aqparatta.