Kóligin 5 mınýttan artyq qyzdyrǵanǵa alǵashqy aıyppul salyndy

<p>PETROPAVL. KAZINFORM &ndash; Petropavl turǵyny kóligin 5 mınýttan artyq jylytamyn dep aıyppul arqalady.</p>

Bul týraly qala turǵyny áleýmettik jelide bólisken. Kórshileriniń bireýine onyń áreketi unamaı, «102» nómirine habarlap, polıtsııa shaqyrtqan. Endi ol 5 AEK mólsherinde – 20 myń teńge shamasynda aıyppul tólemek. 

Óńir turǵyndary aıyppuldyń bul túrimen múldem kelispeıdi.

Aýa temperatýrasy keıde 40 gradýsqa deıin tómendeıtin aımaq úshin kólikti 5 mınýtta jylytý múmkin emes. ıAǵnı óńirdiń ereksheligi esepke alynbaǵan. 

Foto: Áleýmettik jeliden alyndy

 

Jaqynda ІІM aıyppuldyń osy túrine qatysty túsinik berdi. Ákimshilik polıtsııa komıteti ókilderiniń aıtýynsha, bul – jańashyldyq emes, Jol júrisi qaǵıdalary erejesiniń bul talaby 20 jyldan beri bar. Eger kólik quraly jumys istep turǵan qozǵaltqyshpen bes mınýttan artyq tursa jáne bul turǵyndarǵa qolaısyzdyq týǵyzsa, onda bul jaǵdaıda QR ÁQBtK 597-babynyń 1-bólimi boıynsha kólik ıesine aıyppul salynady. 

Soltústik Qazaqstan oblysy polıtsııa departamenti baspasóz qyzmetiniń málimetinshe, tártip saqshylary osy zań buzýshylyq úshin jappaı aıyppul salýdy maqsat etpeıdi. Ákimshilik quqyq buzýshylyq týraly shaǵym kelip túsken kezde jáne dálelder bolǵan kezde ǵana is qozǵalmaq. 

Buǵan deıin Petropavldaǵy JEO-2 aqaý shyǵyp, mamandar júıeni qalypqa keltirip jatqanyn jazǵan edik.