Kóligimen velosıped tizgindegen erli-zaıyptyny qaqqan polıtsııa qyzmetkeri qamaldy

<p>AQTÓBE. KAZINFORM &ndash; Velosıped tizgindegen erli-zaıypty adamdardy kóligimen qaǵyp, mert qylǵan kúdikti Aqtóbe oblystyq polıtsııa departamentiniń qyzmetkeri bolyp shyqty. Ol qazir tergeý ızolıatorynda otyr. Sonymen birge 7 tártip saqshysy qyzmetinen bosatyldy.&nbsp;</p>

Aqtóbe oblystyq polıtsııa departamenti jol-kólik oqıǵasynan soń júrgizýshiniń, ıaǵnı polıtsııa qyzmetkeriniń ustalǵanyn, tergeý ızolıatoryna qamalǵanyn habarlady.

– Qazir sotaldy tergeý jumysy júrip jatyr. Júrgizýshi qamaldy. Osy oqıǵadan soń qyzmettik tekserý júrgizildi. Tekserýden soń 7 qyzmetker, sonyń ishinde basshylary da qyzmetten bosatyldy, - dep habarlady Aqtóbe oblystyq PD baspasóz qyzmetiniń jetekshisi Erbolat Sarqulov. 

Eske salsaq, 23 shilde kúni saǵat 00:50-de Aqtóbe qalasy Aqjar-1 aýyly mańynda jeńil kólik ıesi velosıped mingen eki adamdy qaǵyp ketti. 25 jáne 26 jastaǵy erli-zaıypty oqıǵa ornynda kóz jumdy. Olardyń artynda eki balasy qaldy.