Kólginov pen Shpekbaev elordadaǵy «Ashyq ákimdikte» halyqty qabyldady
«Memleket basshysy óz sózinde ákimdikterdiń ashyq túrde jumys isteýi týraly jıi aıtady. Bul alańnyń da ıdeıasy sol– ashyqtyq jáne qoljetimdilik. Sondaı-aq – sybaılas jemqorlyqtyń oryn alýyna jol bermeý. ıAǵnı, halyqqa qyzmet jabyq kabınette emes, ashyq alańda kórsetiledi. Sol sekildi, bul jerdi maýsymdyq suraqtardy sheshý alańy dep aıtýǵa bolady. Atap aıtsaq, jazdygúni balalardy mektepke daıyndaý jumystary, qazirgi kúni qysqa daıyndyq máseleleri, al qystygúni qar tazalaý, PIK-tiń qyzmetine qatysty suraqtar dál osy jerden sheshiletin bolady. Ashyq ákimdikten bólek, bizde barlyq aýdandyq ákimdikterde «Adaldyq alańy» jumys isteıdi. Ol jerde de halyqqa kórsetiletin qyzmettiń adal ári ashyq túrde júzege asyrylýy qamtamasyz etiledi», - dedi qala ákimi Altaı Kólginov alańnyń ashylý saltanatynda.
«Open ákimdik»-te azamattardy qabyldaý men qyzmet kórsetý bólmesi, balalar buryshy, kitaphana jáne óz-ózine qyzmet kórsetý aımaǵy bar.
«Qazirgi kúni respýblıka boıynsha 400-den astam osy sekildi front-keńseler halyqqa qyzmet kórsetýde. Maqsat – ár turǵyn ózin tolǵandyrǵan suraqtardyń jaýaby men qyzmetkerdi qoljetimdi jáne sapaly túrde alýy tıis. Endigi ýaqytta Almaty jáne Baıqońyr aýdandarynda osy sekildi ortalyqtar ashý kerek», - dedi QR Sybaılas jemqorlyqqa qarsy is-qımyl agenttiginiń tóraǵasy Alık Shpekbaev.
Elordalyqtar jańa qyzmet kórsetý ortalyǵynda Turǵyn úı qurylys jınaq banki, Turǵyn úı qory, Jumyspen qamtý ortalyǵy, Qazposhta jáne aýdan ákimdiginiń qyzmetterin elektrondy kezekke turý arqyly qoldana alady.
Sondaı-aq A. Kólginov pen A. Shpekbaev «Open ákimdik» bazasynda azamattardy qabyldap, olardyń máselelerin jeke baqylaýǵa aldy.