Kóligi joldan shyǵyp ketti: Aqmola oblysynda Ázerbaıjan azamaty jol apatyna tústi

<p>Aqmola oblysynda júk tıelgen kóligi joldyń shetinde qısaıyp qalǵan Ázerbaıjan azamatyna kómek kórsetildi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Oblystyq PD baspasóz qyzmetiniń málimetinshe, 1 qańtarda «Qostanaı - Áýlıekól – Sýrǵan» avtojolynda Ázerbaıjan azamaty basqarǵan júk kóligi joldan shyǵyp ketken. Kólikte 20 tonnadan astam jasymyq tıelgendikten júrgizýshiniń óz betinshe jolǵa shyǵý áreketi sátsiz bolyp, kólik bir búıirine qısaıyp qalǵan. 

Foto: Aqmola oblysy PD baspasóz qyzmeti

«Tulpar-16» jol-patrýldik polıtsııa ekıpajy, aǵa leıtenant Sanjar Qojeǵulov pen leıtenant Ivan Zaharov sheteldik azamatqa kómekke keldi. Arada tórt saǵat ótken soń polıtsııa qyzmetkerleri qajetti qurylǵylary bar basqa da arnaıy mamandardyń kómegimen júk kóligin jol jıegine shyǵardy. Sonymen birge, tártip saqshylary kólikke tıelgen júk kóliginiń saqtalýyn ǵana emes, ózge kólik quraldary úshin de jol qozǵalysy qaýipsizdigin qamtamasyz etti. Saparyn jalǵastyrmas buryn, ázerbaıjandyq júrgizýshi Sarhan Mamadov aqmolalyq tártip saqshylaryna kórsetken kómegi úshin alǵysyn bildirdi», - dedi vedomstvodan.

Aıta ketsek, budan buryn «Astana-Petropavl» trassasynda birneshe kólik soqtyǵysyp, bir adam kóz jumǵanyn jazǵan edik.