Kóleńkeli ekonomıkamen kúreste tsıfrlandyrý kómektesedi - Baqytjan Saǵyntaev

ALMATY. QazAqparat - Baqytjan Saǵyntaev «Almaty» telearnasyndaǵy tikeleı efır barysynda saýda salasyn odan ári damytý, qala bazarlary men elektrondy kommertsııanyń jumysy týraly aıtty, dep habarlaıdy QazAqparat tilshisi.

Saýda – qala ekonomıkasyndaǵy jetekshi sala, onyń úlesi shamamen 33% quraıdy.

Almatyda 14,4 myń kásipker bıznesin júrgizetin 52 bazar bar.

«Dástúrli saýda órkenıetti formatqa kóshirilip jatyr. 23 bazardy modernızatsııalaýǵa 20 mlrd teńgege jýyq ınvestıtsııa tartyldy. Sonyń esebinen jumys oryndarynyń sany 2,4 myńǵa kóbeıdi. Bazarlardy onlaın kassamen tolyq qamtý úshin salyq jınaý úlesin 25%-ǵa deıin arttyrý jospary ázirlendi. 2021 jyldyń qańtarynda taýar satý, jumys jasaý jáne qyzmet kórsetý boıynsha aınalym 2019 jyldyń qańtarymen salystyrǵanda 8%-ǵa ósip, 328 mlrd teńgeni qurady. 2020 jyldyń sońynda taýar satý aınalymy 4 032 mlrd teńge boldy»,- deıdi Baqytjan Saǵyntaev.

Kóleńkeli ekonomıkany tómendetý sharalary aıasynda onlaın saýdany damytý boıynsha jumys júrgizilip jatyr.

Qalada shamamen 970 ınternet-dúken bar, bul eldegi ınternet-dúkenderdiń 60%-yn quraıdy.

Olarǵa barlyq onlaın-saýda men qyzmetterdiń 71%-dan astamy tıesili.

Byltyr elektrondy saýda arqyly 26,4 mlrd teńge salyq tústi nemese 2019 jylmen salystyrǵanda 78%-ǵa kóp.