Qoldaýshylar forýmy: Qasym-Jomart Toqaev ózine senim artqandarǵa rızashylyǵyn bildirdi
18:02, 06 Qazan 2022
ASTANA. QazAqparat - Memleket basshysynyń qatysýymen qoldaýshylar forýmy ótti, dep habarlaıdy QazAqparat Aqordanyń resmı saıtyna silteme jasap.
Jıynda halyqtyq koalıtsııa Qasym-Jomart Toqaevtyń kandıdatýrasyn Qazaqstan Respýblıkasynyń Prezıdenti laýazymyna usyndy.
Forýmda elimizdegi túrli saıası partııalar men respýblıkalyq qoǵamdyq uıymdardyń ókilderi aldaǵy prezıdent saılaýynda Qasym-Jomart Toqaevtyń kandıdatýrasyn qoldady.
Memleket basshysy forýmda sóz sóılep, ózine senim artqany úshin sharaǵa qatysýshylarǵa rızashylyǵyn bildirdi.
Forýmǵa AMANAT, «Aq jol», Qazaqstan Halyq partııasy sekildi saıası partııalardyń jáne 30-dan astam respýblıkalyq qoǵamdyq uıymnyń atynan eki myńnan astam ókil qatysty.