«Qoldaý» kásipkerlerdi qoldamaı otyr: máselege partııa aralasty
Partııa qabyldaýyna kelgen turǵyndar óndiris salasy, quqyq jáne kommýnaldyq máselelermen júgingen. Máselen, salyq qyzmetkeri Baýyrjan Ermenov salyq tóleý boıynsha birneshe suraqty alǵa tartty.
Onyń aıtýynsha, bıyl QR Prezıdentiniń №287 Jarlyǵyna sáıkes Úkimettiń 3 qaýlysy shyqqan. Sonyń biri 2020 jylǵy 20 naýryzdaǵy qaýlyda aýyl sharýashylyǵy ónimin óndirýshilerin jer salyǵynan bosatý sheshimi qabyldanǵan.
«Alaıda bul qaýly jer úshin salynatyn tólemnen bosatpaıdy. Salyqtan bosatylǵanymyzben, tólemnen qasha almaımyz. Jer úshin dál aqy tólegenimizben, nátıjesinde memleketten beriletin jeńildikterden qur qalamyz», - dep bazynasyn aıtty Baýyrjan Ermenov.
Ótinishke qulaq asqan «Aýyl» HDPP tóraǵasynyń orynbasary Valentın Hadanovıch Úkimet Qaýlysyndaǵy osy tarmaqty tolyqtyrý qajettigin aıtty. Bul másele QR Parlamenti Senatynyń depýtaty, «Aýyl» partııasynyń tóraǵasy Álı Bektaevtyń atyna joldanbaq.
Jergilikti páter ıelerý tutyný kooperatıviniń tóraǵasy (PKSK) Galına Ott páter ıeleri kooperatıvi men PKSK-ny taratý máselesine toqtaldy.
Onyń sózine súıensek, qazir kommýnaldyq uıymdardy taratýdyń naqty algorıtmi ázirlenbegen. Atalǵan uıymdardyń balansyndaǵy ortaq múlik máselesi qalaı sheshiledi? Partııa qabyldaýynda aıtylǵandaı, bul másele QR zańnamasyna sáıkes qaralatyn bolady.
Partııanyń elektrondyq portalyna qostanaılyq aýyl sharýashylyǵy taýar óndirýshilerinen «Qoldaý» júıesi týraly habarlama kelip tústi.
Kásipkerlerdiń aıtýynsha «Qoldaý» naqty iske kelgende qoldamaı otyr. Portal arqyly sýbsıdııalaýǵa ótinim berý joldary qıyndap ketken. Sol sebepti kásipkerler «Qoldaý» júıesine ózgeris qajet dep esepteıdi. Mazalap otyrǵan basty suraq – sýbsıdııaǵa ótinim berý ýaqytynyń azdyǵy. ıAǵnı, portalǵa ótinim berip úlgermegen kásipker sýbsıdııaǵa ilikpeıdi.
Valentın Hadanovıch kásipkerler úndeýin Aýyl sharýashylyǵy mınıstrligine jiberdi. Qabyldaý barysynda kóterilgen barlyq máseleler partııa baqylaýyna alyndy.