Qoldanystaǵy 350 myń gaz ballony jańartylady

<p>ASTANA. KAZINFORM &ndash; Májilistegi gazben jabdyqtaý jáne taýarlyq gazdy únemdi tutyný máselelerine arnalǵan zań jobasynyń tanystyrylymynda eskirgen gaz ballondarynyń problemasy aıtyldy.</p>

Talqylaý kezinde Májilis depýtaty Baqytqoja Іzmuhamedov gaz ballondarynyń eskirýinen túrli jarylystar men ýlaný oqıǵalary jıilep ketkenin másele etip kóterdi.

Energetıka vıtse-mınıstri Álibek Jamaýov bul máseleni sheshý úshin «Kazinjenering» kompanııasyna qosymsha qarjy bólý kerektigin aıtty.

«Turmystyq gaz ballondary týraly aıtsaq, qazir Energetıka mınıstirligi Tótenshe jaıdaılar jáne Ónerkásip mınıstrlikterimen birge eldegi búkil ballondardy jańasyna aıyrbastaý týraly jobany ázirlep jatyr. Olardyń sany 350 myń degen esep bar. Birinshiden, qoldanystaǵy ballondardy birtindep jańasyna aıyrbastaımyz», - dedi ol.

Mınıstrdiń orynbasary ol úshin qosymsha qarajat kerek dep otyr.

«Qorǵanys mınıstrliginiń janyndaǵy «Kazinjenering» kompanııasynda osy qyzyl ballondardy shyǵaratyn zaýyt bar. Solarǵa aqsha bólgimiz keledi. Sol arqyly birtindep jańalaımyz. Ár ballon QR-kodtar arqyly tańbalanady. Qaı ballon qaı jerde toltyrylǵan, qanshalyqty durys toltyrylǵan, ıesi kim, sony osy kod arqyly bilip otyramyz», - dedi Álibek Jamaýov.