Qoldanbaly ǵylymı-zertteý jobalaryn qarjylandyrý 50%-ǵa artady

ASTANA. QazAqparat – Qoldanbaly ǵylymı-zertteý jobalaryn jeke qarjylandyrý 50%-ǵa ulǵaıýy múmkin. Bul týraly Ǵylym jáne joǵary bilim mınıstrliginiń QazAqparat tilshisiniń saýalyna joldaǵan jaýabynda jazylǵan.

Bizdiń redaktsııa atalǵan vedomstvoǵa: «Qazaqstan tolyq óziniń otandyq kóligin, ushaǵyn, poıyzyn, kompıýterin, uıaly telefonyn jáne ózge de qajetti tehnologııasyn qashan shyǵarady?» degen saýal joldaǵan edi. Oǵan baılanysty mınıstrlikten mynadaı jaýap keldi:

«Qazaqstan ǵylymynyń jahandyq básekege qabilettiligin arttyrý jáne onyń ulttyq deńgeıdegi qoldanbaly máselelerdi sheshýge qosqan úlesin arttyrý úshin Qazaqstan Respýblıkasynda joǵary bilim men ǵylymdy damytýdyń 2023-2026 jyldar tujyrymdamasy bekitildi. Tujyrymdama aıasynda aıaqtalǵan qoldanbaly ǵylymı-zertteý jumystarynyń jalpy sanynan kommertsııalanatyn jobalardyń úlesin 50%-ǵa arttyrý, ǵylymı jáne ǵylymı-tehnıkalyq qyzmet nátıjelerin kommertsııalandyrý jobalaryn jáne qoldanbaly ǵylymı zertteýlerdi jeke qarjylandyrýdyń úlesin 50%-ǵa ulǵaıtý josparlanyp otyr».

Sonymen qatar mınıstrlik keıingi eki jylda qazaqstandyq ǵalymdar oılap tapqan jańalyqtarmen de bólisti.