Qoldan aqsha jasap kelgen eki shymkenttik 84 myń dollardy ótkizip jatqanda ustaldy

<p>ShYMKENT. KAZINFORM — QMA Shymkent qalasy boıynsha departamenti jalǵan shetel valıýtasyn ótkizgen qoldan aqsha jasaýshylardyń zańsyz qyzmetin áshkerledi.</p>

Júrgizilgen keshendi jedel izdestirý sharalarynyń nátıjesinde 84 200 AQSh dollary mólsherinde jalǵan aqsha ótkizý kezinde bir top tulǵa ustaldy.

Kúdikti eki adam sottyń sanktsııasymen 2 aı merzimge qamaldy.

Buǵan deıin, Qyrǵyz Respýblıkasynyń memlekettik UQK Qyrǵyzstan men Qazaqstan aýmaǵynda nomınaly 100 AQSh dollary bolatyn jalǵan banknottardy ótkizgen transulttyq uıymdasqan qylmystyq toptyń qyzmetin anyqtap, jolyn keskeni habarlanǵan edi.

Sonymen qatar, Qyrǵyz Respýblıkasynyń memlekettik UQK jalǵan dollar ótkizý kúdigi boıynsha Qazaqstan azamatyn ustady.

Ol adamnyń Shymkent qalasy boıynsha ekonomıkalyq tergep-tekserý departamentimen tergelip jatqan qylmystyq istiń mán-jaıyna qatysy bar.

Qazirgi tańda osy topqa qatysy bar tulǵalardy anyqtaý boıynsha jedel tergeý sharalary jalǵasyp jatyr.